Diresaun Protesaun Sivíl munisípiu Viqueque, distribui apoiu nesesidade emerjénsia ba família rua ne’ebé afetadu ba dezastre naturál, iha suku Balarauain, kuarta (08/09/21). Imajen Tatoli/ Vitorino Lopes da Costa.

VIQUEQUE, 08 setembru 2021 (TATOLI)—Diresaun Protesaun Sivíl munisípiu Viqueque, distribui ona apoiu nesesidade emerjénsia ba família rua ne’ebé afetadu ba dezastre naturál, anin  boot sobu uma iha segunda 04 setembru 2021, tuku 14:00, iha suku Balarauain, postu administrativu Viqueque Villa, munisípiu Viqueque.

“Ita mai entrega nesesidade emerjénsia no materiál konstrusaun ne’e sei iha hela prosesu,” Komadante Bombeiru munisípiu Viqueque, José Cabral, hateten ba jornalista-sira, iha suku Balarauain, kuarta ne’e.

Notisia relevante:Konstrusaun UKL iha Viqueque to’o ona 15%

Nesesidade bázika ne’ebé protesaun sivíl oferese mak hanesan foos, mina, susubeen, balde,  bikan no seluk tan.

Parte protesaun sivíl sei kontinua halo verifikasaun ba uma sira ne’ebé hetan estragu, nune’e bele hatene kategoria loloos.

Iha fatin hanesan vítima, Zacarias Pinto, agradese ba parte protesaun sivíl tanba fó ona apoiu emerjénsia no husu atu bele prosesa lalais material konstrusaun nune’e bele hadi’a hikas uma ne’ebé anin sobu, tanba agora besik tempu udan ona.

Jornalista: Vitorino Lopes da Costa

Editór: Cipriano Colo

HAKEREK NO HATÁN

Please enter your comment!
Please enter your name here