Pesoál saúde-sira hala’o preparasaun molok teste swab Covid-19 ba komunidade iha Sentru Integradu Jestaun Krize (SIJK), kuarta (25/08/21). Imajen Tatoli/António Gonçalves.

OÉ-CUSSE, 07 setembro 2021 (TATOLI)—Sentru Informasaun COVID-19 iha Rejiaun Administrativa Espesiál Oé-Cusse Ambeno (RAEOA) tersa ne’e rejista kazu óbitu ida (1), pozitivu 10, ativu 37 no rekoperadu 196.

Notísia Relevante: COVID-19 iha RAEOA: óbitu ida, pozitivu haat no ativu 35

“Ohin, ita rejista óbitu ida (1) no kazu pozitivu foun na’in-10. Kazu ativu hela no baixa iha sala izolamentu Portu Kitahara Mahata hamutuk 37 kompostu hosi auto-izolamentu na’in-rua (2), izolamentu Kitahara Mahata hamutuk na’in-22, izolamentu Klinika Kurasaun na’in-rua (2), izolamentu Alfandega Mahata na’in-11 no rekoperadu 196,” Sekretário Rejionál Asuntu Saúde, Manuel da Costa, informa ba Agência Tatoli iha Sikluli, Oé-Cusse.

Aleinde ne’e, nia informa, daudaun ne’e pasajeiru sira-ne’ebé tama Oé-Cusse kumpre hela kuarentena obrigatóriu no auto-kuarentena hamutuk 45 kompostu hosi kuarenetna Eskola Etaro Masin na’in-36, auto-kuarentena Fulolo na’in-haat (4), kuarentena uma Dra. Catarina Anunu na’in-ida (1), auto-kuarentena Mateus Sufa na’in-ida (1), auto-kuarentena Palaban na’in-ida (1) no auto-karantina Mahata na’in-ida (1).

Tuir dadus hosi 23 marsu 2020 to’o 07 setembruu 2021, totál dadus komulativu kazu konfirmadu hamutuk 234, hasai teste swab na’in-44, RDT swab 167, komulativu teste 3.217, komulativu rezultadu negativu 2.942 no óbitu ida.

Tuir nia, dadus ema ne’ebé kumpre kuarentena obrigatóriu hamutuk 1.585, auto-kuarentena hamutuk 300 ho totál hamutuk 1.885 no pasa ona loron 14 iha kuerentena hamutuk 1.818.

Jornalista : Abílio Elo Nini

Editór       : Cancio Ximenes

HAKEREK NO HATÁN

Please enter your comment!
Please enter your name here