Médiku-sira prepara hela vasina hodi oferese ba komunidade. Imajen Tatoli/António Gonçalves.

OÉ-CUSSE, 06 setembru 2021 (TATOLI)—Sentru Informasaun COVID-19 iha Rejiaun Administrativa Espesiál Oé-Cusse Ambeno (RAEOA), segunda ne’e rejista óbitu na’in-ia (1), kazu pozitivu na’in-haat, ativu 35 no rekoperadu hamutuk 186.

Notísia Relevante: COVID-19 iha RAEOA: pozitivu na’in-haat no ativu 53

“Ohin, rejista kazu pozivitu haat, ativu 35, óbitu ida, rekoperadu 186 no kazu komulativu kazu konfirmadu 222 no kumpre hela kuarentena obrigatóriu hamutuk na’in-85,” Sekretáriu Rejionál Asuntu Saúde, Manuel da Costa relata ba jornalista sira iha Sikluli, Oé-Cusse.

Tuir dadús hosi 23 marsu 2020 to’o 06 setembru 2021, totál dadús konfinamentu kuarentena obrigatóriu na’in-1.578 no auto-kuarentena 300 ne’ebé totál hamutuk 1.878, no pasa loron 14 hamutuk 1.796, nomós númeru hasai teste na’in-44, RDT swab na’in-167, númeru komulativu teste swab 3,188, komulativu rezultadu negativu 2,921.

Dirijente saúde ne’e fundamenta, RAEOA sei kontinua alerta regra prevensaun pontu hitu ne’ebé aprova hosi Prezidente Autoridade, tanba regra ne’e efetivu nune’e bele kontrola no prevene moras COVID-19 iha Oé-Cusse.

Jornalista : Abílio Elo Nini

Editór      : Cancio Ximenes