Diretór Ezekutivu ANAAA, Edmundo da Silva Viegas. Imajen TATOLI/Egas Cristóvão.

DILI07 setembru 2021 (TATOLI)—Diretór Ezekutivu Ajénsia Nasionál Akreditasaun no Avaliasaun Akadémiku (ANAAA), Edmundo da Silva Viegas, informa ANAAA husu tan proposta adisionál $290.000 hosi Orsamentu Jerál Estadu (OJE) 2022, durante aprezenta proposta ba iha Komité Revizaun no Orsamentu Polítika (KROP).

Notísia Relevante: KROP hahú analiza programa orsamentál hosi ministériu no ajénsia autonómu

“Ami hato’o proposta adisionál $290.000, ho razaun tanba tinan oin ne’e ami hetan pakote fiskál ne’ebé mak tun hosi $426 tinan ida-ne’e nian ba $.271.000 de’it. Ida-ne’e pakote fiskál,” Edmundo da Silva Viegas hateten ba Agência Tatoli, iha edifísiu Ministériu Finansa, Aitarak-Laran, tersa ne’e.

Kompara ho tinan 2021 nia orsamentu redús provolta $156.000 ekivalensia 36%, tanba ida-ne’e mak pakote fiskál ne’ebé mak hato’o mai ANAAA ne’e, natoon de’it ba halo avaliasaun ba institiuisaun sia (9) no 10 de’it.

“Ami hato’o ami-nia proposta adisionál ne’e, hodi hakbi’it ami-nia kapasidade avaliasaun ba pelumenus kursu ho instituisaun hamutuk 40 resin tan. Ida-ne’e mak ami hato’o no mós komponente seluk ida tán hosi ami-nia proposta adisionál ne’e mak atu halo avaliasaun,” nia dehan.

Nune’e, ANAAA mós hahú atu halo ona estudu ho inkeritu atu pelumenus bele rezulta buat tolu mak atu halo planu negósiu ANAAA nian, atu halo mós estudu ka peskiza ida kona-bá oferta no prokura Ensinu Supérior nia kursu sira no atu halo estudu ida kona-bá insersaun graduadu sira Ensinu Supérior nian iha merkadu trabalhu.

“Ita hakarak haree taxa de impregalidade ne’e oinsá. Se ita bele deskrimina taxa de impregalidade por área de siénsia, portantu ida ne’e mak objetivu hosi ami-nia proposta adisionál ba tinan oin,” nia informa.

Jornalista : Nelia Fernandes

Editór       : Cancio Ximenes

HAKEREK NO HATÁN

Please enter your comment!
Please enter your name here