Komisaun Nasionál Edukasaun Katólika Timor-Leste (KNEKTIL) fó formasaun kona-bá matéria relijiaun morál ba profesór na'in 40, iha munisípiu Viqueque, segunda (06/09/21). Imajen Tatoli/Vitorino Lopes da Costa.

VIQUEQUE, 06 setembru 2021 (TATOLI)—Komisaun Nasionál Edukasaun Katólika Timor-Leste (KONEKTIL) fó formasaun kona-bá matéria relijiaun morál ba profesór na’in 40, hodi hakle’an koñesimentu ba Bíbilia, molok hanorin estudante-sira iha munisípiu Viqueque.

“Ami hanorin profesór-sira hosi munisípiu Viqueque, hodi hakle’an koñesimentu atu transmite ba estudante-sira liuliu kona-bá Bibilia,” Formadór, Padre Imanuel Kwuta, SVD, hateten ba jornalista-sira, iha salaun serbisu edukasaun munisípiu Viqueque, segunda ne’e.

Notísia relevante:SEII fó formasaun kona-bá orsamentu sensível ba jéneru iha Viqueque

Kapasitasaun ne’e tanba profesór-sira nu’udár fiar-na’in ne’ebé presija haklaken koan-bá Maromak Nia Liafuan ne’ebé hakerek iha Bibilia ne’ebé sai hanesan ponte ba sarani sira-nia moris.

Tanba ne’e, manorin-sira antes atu hanorin, importante tenki hakle’an, hatene no koñese hosi testamentu tuan no foun.

Diretór serbisu edukasaun Viqueque, Emidio Amaral, haktuir, kapasitasaun ne’e importante tebes ba profesór-sira atu sai manorin ne’ebé kualifikadu, hodi hanorin estudante sira. 

Formasaun ne’e, organiza hosi KONEKTIL durante loron tolu, hahú segunda sei remata iha kuarta ne’ebé partisipa hosi profesór relijiaun moral, hosi eskola Katólika iha munisípiu Viqueque hamutuk na’in-40 ho formadór na’in-tolu.

Jornalista: Vitorino Lopes da Costa

Editór: Cipriano Colo

HAKEREK NO HATÁN

Please enter your comment!
Please enter your name here