Ekipa Sekretária Estadu Igualdade no Inkluzasaun (SEII), fó formasaun ba liña ministeriál kona-bá orsamentu sensível ba jéneru, ba planu asaun anuál iha munusípiu Viqueque, kinta (12/08/21). Imajen Tatoli/ Vitorino Lopes da Costa.

VIQUEQUE, 12 Agostu 2021 (TATOLI)-Ekipa Sekretária Estadu Igualdade no Inkluzasaun (SEII), fó formasaun ba liña ministeriál kona-bá orsamentu sensível ba jéneru, ba planu asaun anuál iha munusípiu Viqueque.

Formasaun ne’e realiza tanba SEII serbisu hamutuk ho ekipa Spotlight, ne’ebé hetan fundu hosi Uniaun Eropeia (UE), atu haree ba igualdade jéneru iha liña miniteriál-sira ba planu asaun anuál.

Notísia relevante:SEII-sosiedade sivíl halo formasaun kona-ba LKVD-VBJ ba estudante sira

“Intensaun ida-ne’e, tanba liuhosi planu nasionál bazeia ba jéneru. Planu halo revizaun iha tinan 2016 no halo kontinuasaun tanba ne’e maka halo konsultasaun ba liña ministerial-sira,” Xefe departementu prevensaun violénsia bazeia jéneru, Isabel Adalgiza Fátima Rodrigues Fereira, hateten iha salaun munisipál Viqueque, kinta ne’e.

Objetivu hosi formasaun ne’e,  atu halo abordajen  integradu ba jéneru no orsamentu sensível jéneru ba grupu traballu munisípiu,  iha liña ministériu-sira.

Iha fatin hanesan sekretáriu munisípiu Viqeuque, José da Costa de Sousa, konsidera formasaun ne’e importante tebes atu bele integra iha inkluzaun, tanba  iha munisípiu Viqueque rasik partisipasaun feto nian sei menus.

Formasaun ne’e, hala’o durante loron rua hahú kinta sei remata iha sesta, ne’ebé hetan partisipasaun hosi funsionáriu iha liña ministeriál Viqueque.

Programa Asaun Nasionál ba Violénsia bazeia ba jéneru ne’e hetan apoiu hosi Spopotlight no  Uniaun Europeia iha tinan 2021 ho orsamentu rihun $50-resin no programa ne’e realiza iha munisípiu tolu hanesan, Bobonaro, Ermera no Viqueque.

Jornalista: Vitorino Lopes da Costa

Editór: Cipriano Colo

HAKEREK NO HATÁN

Please enter your comment!
Please enter your name here