Diretór Ezekutivu Centro Nacional Chega , Hugo Maria Fernandes. Imajen Tatoli/Egas Cristóvão

DILI, 03 setembru 2021 (TATOLI)-Diretór Ezekutivu Centro Nacional Chega (CNC), Hugo Maria Fernandes, hateten loron 04 setembru 1999 loron ne’ebé mak fó sai  rezultadu Konsulta Populár (Referendu) maibé Governu presiza valoriza tama hotu loron nasionál Timor-Leste nian.

Notísia Relevante : CNC ho MS asina nota entendimentu fó tratamentu saúde ba sobrevivente-sira

“Loos duni ema hotu hatene katak loron 04 setembru ne’e loron ida anunsia de’it rezultadu, maibé ita tenke valoriza hotu hanesan loron nasionál sira seluk tanba loron 04 setembru  mak ofisiálmente atu hatudu ba mundu, liuliu ba Indonézia katak maioria ema Timor-Leste hili atu ukun rasik aan,” Hugo Maria Fernandes ba jornalista sira iha nia knaar fatin, antigu komarka Balide, Dili, sesta ne’e.

Hosi CNC nia pontu de vista loron sira hanesan ne’e importante atu komemora maibé kabe ba iha Governu liuhosi Parlamentu Nasionál no Konsellu Ministru halo rezolusaun ida dekreta katak loron 04 tama hotu iha loron nasionál Timor-Leste nian.

“Ita hotu hatene katak hafoin anunsia hosi Sekretáriu Jerál Nasoins Unida (ONU), ita manan ona, maibé ita kontinua fila-fali ho akontesimentu masakre barak, hanesan masakre Igreja Suai, Lospalos, Maliana no seluk tan,” nia dehan.

Jornalista : Arminda Fonseca

Editór : Francisco Simões

HAKEREK NO HATÁN

Please enter your comment!
Please enter your name here