Vice-Ministru Administrasaun Estatál, Lino de Jesus Torrezão. Imajen Tatoli/Antónia Maia Gusmão.

DILI, 02 setembru 2021 (TATOLI)—Vise-Ministru Administrasaun Estatál (MAE), Lino de Jesus Torrezão informa, aban (sesta, 03/09) Administradór Postu Administrtaivu foun na’in-24 sei simu pose hosi Prezidente Autoridade Munisípál (PAM), Administradór Munisípiu (AM) no Komisaun Funsaun Públika (CFP-sigla portugés).

Notísia Relevante: Miguel Guterres simu pose nu’udar Administradór Venilale

“Prezidente Autoridade Munisípál, Administradór Munisípiu no Komisaun Funsaun Públika (CFP, sigla portugés) mak iha kompeténsia sei fó pose ba Administradór Postu Administrativu foun na’in-24 iha aban (sesta, 03/09),” Vise-Ministru ne’’e hateten ba Agência TATOLI, liuhosi telefónika, kinta ne’e.

Maske nune’e, nia informa, Administradór Postu Administrativu Munisípiu Liquiça Alberto Rosa Belo, Administradór Postu Administrativu Remexio Gastão Mendonça, no Munisípiu Baucau nian mak Administradór Miguel Mendes Guterres hosi Venilale mak ohin (kinta, 02/09) simu ona posse no sai Administradór Postu no oras ne’ebé hanesan enzonera mós Administradór sesante sira.

Nia dehan, hafoin sira simu tiha pose ne’e PAM ho AM iha kompeténsia atu involve sira iha atividade maibé administradór foun sira tenke koopera hamutuk ho PAM ho AM no parte nasionál, atu ida-idak haree ba nia área.

Administradór Postu Administrativu sira-ne’ebé aban sei simu pose mak, iha Munisípiu Bobonaro, Juvinal Leto Mau dos Santos sei simu pose nu’udar Administradór Postu Administrativu Bobonaro Vila, Alfredo Meta Dao simu pose nu’udar Administradór Postu Administrativu Caicalo no Tomas Lacu Loi sei simu pose nu’udar Administradór Postu Administrativu Maliana.

Iha Munisípiu Covalima, Luzino do Rego sei simu pose nu’udar Administradór Postu Administrativu Zumalai.

Munisípiu Dili, Bosco de Jesus Afonso sei simu pose nu’udar Postu Administrativu Ataúro, José da Costa Sousa simu pose nu’udar Administradór Postu Administrativu Dom Aleixo, Júlio Norberto sei simu pose nu’udar Administradór Postu Administrativu Metinaro, Herminia Martins sei simu pose nu’udar Administradór Postu Administrativu Na’in Feto no Manuel Gusmão sei simu pose nu’udar Administradór Postu Administrativu Vera Crus.

Munisípiu Ermera, Lino Tavares sei simuu pose nu’udar Administradór Postu Administrativu Atabae, Constancio da Silva sei simu pose nu’udar Administradór Postu Administrativu Atsabe, Alexandre dos Santos Salsinha sei simu pose nu’udar Administradór Postu Admiistrativu Ermera Vila, Luis Manuel sei simu pose nu’udar Administradór Postu Administrativu Hatolia, Tomas da Costa Soares sei simuu pose nu’udar Administradór Postu Administrativu Railaco no António Manuel Soares sei simu pose nu’udar Administradór Postu Administrativu Letefoho.

Munisípiu Lautém, Jacob dos Resi sei simu pose nu’udar Administradór Postu Administrativu lliomar, Dinis dos Santos Baptista sei simu pose nu’udar Administradór Postu Administrativu Lospalos no Albino de Araújo sei simu pose nu’udar Administradór Postu Administrativu Tutuala.

Munisípiu Manatuto, Abílio da Cunha sei simu pose nu’udar Administradór Postu Administrativu Laclo no Cosme Ximenes sei simu pose nu’udar Administradór Postu Administrativu Laleia.

Munisípiu Manufahi, Adelino de Araújo sei simu pose nu’udar Administradór Postu Administrativu Same.

Munisípiu Viqueque, Alfredo dos Santos sei simuu pose nu’udar Administradór Postu Administrativu Uatucarabau no Manuel do Rosário sei simu pose nu’udar Administradór Postu Administrativu Uatulari.

Jornalista : Osória Marques

Editór       : Cancio Ximenes

HAKEREK NO HATÁN

Please enter your comment!
Please enter your name here