Xefe Departamentu Transporte Terestre no Komunikasaun RAEOA, Domingos de Almeida. Imajen Tatoli/Abílio Elo Nini

OÉ-CUSSE, 31 agostu 2021 (TATOLI)—Xefe Departamentu Dirasaun Transporte Terrestre (DTT) Rejiaun Administrativa Espesiál Oé-Cusse Ambeno (RAEOA), Domingos de Almeida, informa iha situasaun pandemia COVID-19 ne’e DTT kontinua hala’o servisu no kada loron atende na’in ba transporte sira trata dokumentu transporte minimál ema na’in-10

Notísia Relevante: Dirasaun Transporte Terrestre RAEOA kontribui reseita $15,339 ba kofre Estadu

“Dirasaun Transporte Terrestre nia atendimentu durante ne’e la’o hanesan baibain. Maske COVID-19 maibé iha ne’e ami hanesan funsionáriu Transporte Terrestre tama nafatin no kumpre regra prevensaun hosi Governu no Organizasaun Saúde Mundiál (OMS). Kada loron, ami atende ita-nia povu hanesan transporte na’in sira trata dokumentu karreta no motor minimál na’in-10,” Domingos de Almeida hateten ba Ajênsia Tatoli iha Palaban, Oé-Cusse, tersa ne’e.

Tuir diploma ministériál númeru 3/2003 no dekretu lei númeru 6/2003 hateten, atendimentu hanesan instituisaun estadu kontinua la’o hahú hosi dadeer to’o lorokraik, ne’ebé kada loron atende mak hanesan inspesaun karreta no motor hosi DRTT presiza identifika.

Tanba, tuir lei, transporte tenke identifika maske daudaun ne’e la’o hela ho manuál no atende nafatin halo karta kondusaun tuir prosedura, no transporte públiku hanesan angguna, mikrolete ne’ebé iha ne’e, atendimentu mós menus lahanesan ho situasaun normál ne’ebé kada loron atende ema 30 ba leten.

Jornalista : Abílio Elo Nini

Editór       : Cancio Ximenes

HAKEREK NO HATÁN

Please enter your comment!
Please enter your name here