Edifísiu Sentru Nasionál Formasaun Profisionál (CNFP, sigla portugés) Becora. Imajen TATOLI/Nelia Fernandes.

DILI27 agostu 2021 (TATOLI)—Diretór Sentru Nasionál Formasaun Profesionál (CNFP-Sigla Portugés) Becora, Lourenço da Silva Gusmão informa, sesta ne’e suspende atividade formasaun durante semana ida ba formandu sira tanba Governu implementa konfinamentu domisiliáriu hahú hosi 27 to’o 02 setembru 2021.

Notísia Relevante: CNFP Becora sei hahú aula prezensiál iha agostu

Ohin, atividade formasaun ba formandu sira para durante semana ida. Maibé, ba funsionáriu sira kontinua servisu,” Lourenço da Silva Gusmão, hateten ba Agência Tatoli, iha niaknaar fatin, Becora, Dili, sesta ne’e.

Nia parte suspende atividade formasaun, tanbá dehan labele halibur ema barak no konfirma ba Gabinete MKAE dehan suspende lai formasaun durante semana ida, hodi labele halibur ema barak, ho nune’e formandu sira labele hetan moras.

Desizaun atu hahú fali formasaun iha loron 4 fulan setembru ne’e, maibé depende ba situasaun no desizaun hosi Konsellu Ministru iha semana oin mai.

Totál formandu ne’ebé daudaun ne’e tuir formasaun hamutuk na’in295, ne’ebé tuir formasaun kona-ba kanalizasaun, karpintaria, kustura, eletrisidade, informátika, mekanika motor, panifikasaun (halo dose), pedreiru, refrigerasaun, no soldadura.

Totál fusionáriu no formadór iha Sentru Nasionál Formasaun Profesionál (CNFP-Sigla Portugés) Becora hamutuk na’in54.

Jornalista : Nelia Fernandes

Editór       : Cancio Ximenes

HAKEREK NO HATÁN

Please enter your comment!
Please enter your name here