Prezidente Parlamentu Nasionál, Aniceto Longuinhos Guuterres Lopes, submete ba teste swab iha uma fukun, kinta (26/08). Imajen Tatoli/Evaristo Soares Martins.

DILI, 26 agostu 2021 (TATOLI)—Deputadu no funsionáriu sira iha Parlamentu Nasionál kompleta ona vasina dala-rua maibé Prezidente Parlamentu Nasionál, Deputadu Aniceto Longuinhos Guterres Lopes, orienta deputadu no funsionáriu sira tenke submete ba teste swab obrigatóriu.

Notísia Relevante: COVID-19: óbitu ida, pozitivu 361 no ativu 4.052

Xefe Lejizladór ne’e esplika, teste swab ba deputadu no funsionáriu sira iha uma fukun obrigadu ba teste swab atu kontrola nafatin kondisaun saúde ema idak-idak nian iha vijénsia COVID-19 ne’e, tanba vasina dala-rua ona mós la’ós garantia katak ema sei la pozitivu.

“Vasina la garantia ida, tenke komprende hanesan ne’e. Maibé, vasina ninia risku ba vasina ne’e, kuandu simu ona vasina ne’e menus, la hanesan ho ema-ne’ebé la vasina. Tanba ne’e mak hotu-hotu tenke submete ba teste swab. Atividade ne’e tenke la’o ho rútina ho regularmente. Ne’e obrigatóriu ba deputadu no funsionáriu sira,” Aniceto Longuinhos Guterres Lopes informa ba Agência TATOLI, hafoin submete ba teste swab, iha uma fukun, kinta ne’e.

Prezidente Parlamentu Nasionál hola desizaun ne’e tanba haree ba kazu pozitivu COVID-19 no vriante Delta ne’ebé perigozu tebes entaun órgaun soberanu sira tenke kontribui hodi kombate moras ne’e.

Notísia Relevante: PN apresia nasaun sira-ne’ebé apoia TL luta hasoru COVID-19

Jornalista : Evaristo Soares Martins

Editór       : Cancio Ximenes  

HAKEREK NO HATÁN

Please enter your comment!
Please enter your name here