DILI, 25 agostu 2021 (TATOLI)—Governu Austrália oferese tan oksijéniu konsentradu hamutuk 30 ba Minsitériu Saúde (MS) atu responde situasaun COVID-19 iha Timor-Leste (TL).
Fasilidade hirak ne’e transporta ona mai TL no to’o Aeroportu Internasionál Nicolau Lobato, Dili ho Qantas Airlines iha tuku 12:30 otl no ekipa Serbisu Autónomu Medikamentu no Ekipamentu Saúde (SAMES), transporta kedan mai iha armazén sentrál Kampung Alor.
Notísia relevante:Aban vasina AstraZeneca doze 300.000 hosi Austrália to’o TL
Tuir planu, SAMES sei distribui fasilidade hirak-ne’e ba izolamentu-sira no mós ba fasiliddae-saúde, maibé depende ba nesesidade no pedidu.
“Ezemplu kazu ne’e grave liu iha Ospitál no izolamentu, entaun sira halo pedidu mak ita foin halo distribuisaun,”Diretór Ezekutivu SAMES, Santana Martins, hateten ba jornalista Agência Tatoli via telefónika, kuarta ne’e.
Jornalista: Felicidade Ximenes
Editór: Cipriano Colo
