Diretór Ezekutivu Serbisu Autónomu Medikamentu no Ekipamentu Saúde (SAMES), Santana Martins. Imajen Tatoli/Francisco Sony.

DILI, 10 agostu (TATOLI)—Tuir planu, aban Austrália transporta tan vasina AstraZeneca doze rihun 300 mai Timor-Leste (TL).

“Vasina AstraZeneca hosi Austrália doze rihun 300 sei transporta mai ho Qantas Airlines iha oras meiu dia. Tuir planu, Primeiru Minsitru Taur Matan Ruak sei partisipa iha serimónia entrega iha armazen Serbisu Autónomu Medikmentu no Ekipamentu Saúde  (SAMES),” Diretór SAMES, Santana Martins hateten ba jornalista Agência Tatoli, tersa ne’e.

Notísia relevante:AstraZeneca doze rihun 12 hosi Portugál to’o ona TL

Tuir planu, parte SAMES sei distribui vasina doze hirak ne’e ba munisípiu hotu-hotu inklui Rejiaun Administrativa Espesiál Oe-cusse Ambeno (RAEOA).

“Ita-nia armazen laiha problema tanba ita-nia estoke vasina AstraZeneca mamuk hela tanba ne’e ita iha  espasu boot hodi asegura,” Santana Martins, informa.

Governu TL simu ona vasina adisionál hosi Governu Austrália hamutuk  doze 277.850,  hosi COVAX Facility doze 124.800,  Governu Xina hamutuk doze 100.000,  Governu Portugál doze 12.000 no totál iha doze 514.650.

Dadus ikus hosi Komisaun Interminsiteriál ba Planu Vasinasaun Kontra COVID-19, hatudu katak, sidadaun ne’ebé iha munisípiu Dili simu ona vasina doze dahuluk hamutuk 144.328 (67,5%) no simu ona doze daruak hamutuk 93.437 (43,7%).

Iha munisípiu 12 ne’ebé simu ona vasina doze dahuluk  hamutuk 167.020 (30,9%) no doze daruak  hamutuk 14.684 (2,7%).

Jornalista: Felicidade Ximenes

Editór: Cipriano Colo

HAKEREK NO HATÁN

Please enter your comment!
Please enter your name here