Vasina AstraZeneca. Imajen Tatoli/António Gonçalves

COVALIMA, 25  agostu 2021 (TATOLI)- Diretór Servisu Saúde Munisípiu Covalima, Filipe Pereira Lemos,  informa  abitante iha Munisípiu Covalima  na’in-30,348 simu ona vasina.

Notísia Relevante : Serka sanitária iha Baucau-Covalima hahú aban to’o 08 setembru

“Ita nia abitante ne’ebé simu ona vasina hahu hosi fulan abríl to’o ohin loron hamutuk 30,348. Hosi númeru ne’e abitante ne’ebé mak simu ona vasina ba doze daruak hamutuk 5.445,” diretór Servisu Saúde Munisípiu Covalima, Filipe Pereira Lemos,  ba  Agência Tatoli iha Administrasaun Munisípiu Covalima, kuarta ne’e.

Filipe Pereira Lemos,  relata mós katak, stoke vasina iha Munisípiu Covalima hamutuk 20.000 doze preparasaun ba abitante sira ne’ebé atu simu vasina. Tanba tuir alvu abitante Covalima simu vasina hamutuk 40,000-resin, maibé agora a seidauk atinje meta.

Iha sorin seluk Xefe Sentru Saúde Postu Administrativu Fatululik, José da Cruz hateten, abitante iha Postu Administrativu Fatululik kuaze simu ona vasina, falta de’it abitante 100-resin.

“Ha’u kontinua orienta ba pesoál saúde sira halo vasina ba abitante iha Postu Fatululik ne’ebé fronteira ho Indonézia,” José da Cruz hateten.

Jornalista   : Celestina Teles

Editór        : Francisco Simões

HAKEREK NO HATÁN

Please enter your comment!
Please enter your name here