Hospitál Nasionál Guido Valadares (HNGV). Imajen Tatoli/Egas Cristóvão.

DILI, 24 agostu 2021 (TATOLI)—Pesoál saúde na’in 116 iha Ospitál Nasionál Guido Valadares (HNGV sígla portugés), infetadu COVID-19 ne’ebé afeta tebes ba atendimentu iha ospitál ne’e.

Númeru 116 ne’e, iha médiku, enfermeiru, parteira, farmasista, lojístika, tékniku oksijéniu no parseiru sira husi São João de Deus, funsionariu  administrasaun no cleaner.

Notísia relevante:COVID-19: óbitu ida, pozitivu 187 no ativu 3.383

“Atendimentu regulár iha HNGV, Vera Cruz no Lahane tenki la’o nafatin. Maibé númeru funsionáriu menus, nune’e ita loke vaga ba públiku nune’e enfermeiru-sira ne’ebé disponível  ba kontratu ita bele integra iha ekipa no halo treinamentu  antes halo tratamentu ba pasiente-sira,” Diretór Ezekutivu HNGV, Alito Soares, informa ba jornalista-sira iha kna’ar fatin, tersa ne’e.

Hosi na’in 116 ne’ebé infetadu, balun iha ona izolamentu no balun halo auto-izolamentu iha uma no sira-nia kondisaun diak hotu, tanba maioria vasinadu.

Pesoál saúde ne’ebé hakna’ar-an iha Opsitál Nasionál Guido Valadares hamutuk 1.000-resin.

Jornalista: Felicidade Ximenes

Editór: Cipriano Colo

HAKEREK NO HATÁN

Please enter your comment!
Please enter your name here