Prezidente Parlamentu Nasionál, Aniceto Guterres Lopes, prega diviza promosaun ba oifisiais F-FDTL iha serimónia aniversáriu FALINTIL ba dala 46, iha kuartél Jenerál, Fatuhada, (20/08/21). Imajen Tatoli/António Gonçalves.

DILI, 20 agostu 2021 (TATOLI)—Komandu FALINTIL Forsa Defeza Timor-Leste (F-FDTL) halo promosaun diviza ba membru hamutuk na’in 19 ba alferis no segundu tenente.

Promosaun diviza ne’e ne’e hala’o iha ámbitu komemorasaun loron FALINTIL ba dala 46, 20 agostu 2021, iha kuartél Jenerál, Fatuhada.

Notísia relevante:F-FDTL sei realiza tour dalan ba dame

Tuir despasu, númeru 02/CEMG FFDTL/2021 ne’ebé tuir artigu 79 dekretu lei númeru 28/2016, 13 juñu, primeira alterasaun dekretu lei númeru 7/2014, 12 marsu, estatutu militár F-FDTL analiza prosesu individu’al militár, bazeia ba kondisaun jerál iha artigu 71 no kondisaun espesiál iha artigu 76 previstu iha diploma ne’e.

Xefe Estadu Maiór Jenerál F-FDTL, Tenente Jenerál, Lere Anan Timur, determina promove membru hirak-ne’e hosi diuturnidade konforme artigu 65, efeitu hahú iha 24 agostu.

Lere Anan Timur, hato’o votu parabens ba esforsu membru-sira nian ne’ebé promovidu antes ne’e hasai kursu ona iha estranjeiru.

“Marka tán pasu ida ba imi atu  ezerse knaar ho responsabilidade militár, garante seguransa no paz ba sidadaun hotu-hotu,”Lere Anan Timur, hateten iha serimónia promosaun, sesta ne’e.

Parte Komandu husu ba membru promovidu-sira atu kontinua serbi ho knaar profisionál hodi kontribui ba dezenvolvimentu instituidaun no nasaun.

Membru  sira ne’ebé hetan promosaun no antes ne’e tuir kursu iha akademia militár iha Xina, Japaun, Nova Zelándia, ba postu  Alferes no segundu tenente mak hanesan, Fernando da Costa Xavier, hosi postu Primeiru Sarjentu ba Alferes, Adérito da S.Seran, Júlio Pedro Garcia, Graciano dos Santos Cruz, Elias D.C.D.A. Mantilo, hosi Segundu Sarjentu ba Sarjentu Tenente, Izaac Liu Tavares, Artur Machado D. Jesus, hosi postu Segundu Sarjentu ba Alferes, Bernardino Freitas Vaz ho Charles Gomes de Deus, hosi postu Soldadu ba Alferes.

Alende ne’e, Filipe da Costa Freitas, Arzito Savio Teles, hosi postu Primeiru Sarjentu ba Alferes, Mateus de Jesus da Costa Correia, hosi postu Primeiru Sarjentu ba Sarjentu Tenente, Flaviano M. Mendonça, Grabrel Angelo no António Duarte Soares, hosi postu Segundu Sarjentu ba Alferes, no Abelino Amaral, Maria Fatima Xavier, Shadana Bai B. S. V da Costa ho Marcelino da Costa Vicente, hosi postu Soldadu ba Alferes.

Membru hirak-ne’e, mai hosi komponente  Navál (CN) na’in-lima, Komponente  Apoiu Servisu (CAS), nain-rua, Komponente Terrestre (CT) na’in-rua, Komponente  Formasaun no Terrenu (CFT) na’in-ida, Polísia  Militár (PM) na’in-tolu no Komponente  Aéreo (CA) na’in-Lima.

Jornalista: Nelson de Sousa

Editór: Cipriano Colo

HAKEREK NO HATÁN

Please enter your comment!
Please enter your name here