Unidade Patrullamentu Fronteira (UPF), detein timoroan na’in 21 iha aldeia Baer, suku Beseuk, postu administrativu Tilomar, munisípiu Covalima, tanba hala’o negósiu kuda ilegál, iha liña fronteira terrestre Indonézia ho Timor-Leste (TL), kuarta (18/08/21). Imajen PNTL.

DILI, 19 agostu 2021 (TATOLI)—Polísia Nasionál Timor-Leste (PNTL), liuhosi Unidade Patrullamentu Fronteira (UPF), detein timoroan na’in 21 iha aldeia Baer, suku Beseuk, postu administrativu Tilomar, munisípiu Covalima, tanba hala’o negósiu kuda ilegál, iha liña fronteira terrestre Indonézia ho Timor-Leste (TL).

“Iha tuku 12:00 meia noite, membru UPF kompañia Bravo, serbisu koletiva detein joven na’in 21 iha área mota laran, ne’ebé hala’o transaksaun ilegál hodi transporta kuda hamutuk 13 ba nasaun viziñu,” Komandante UPF, Superintendente, Euclides Belo, hateten liuhosi komunikadu, kinta ne’e.

Notísia relevante:UPM detein ema na’in-tolu ho ró iha Palaka

Sidadaun hirak-ne’e ne’e uza kamioneta Colt Diesel ho númeru matríkula A.50728 no agora-daudaun PNTL halo ona medida hodi prosesa tuir prosedimentu legál no kumpre protokolu saúde.

Tuir orientasaun Komandu Jerál PNTL, membru UPF hotu-hotu alerta no halo prevensaun másima atu garante liña fronteira sai fatin seguru ba ema hotu-hotu.

Jornalista: Nelson de Sousa

Editór: Cipriano Colo

HAKEREK NO HATÁN

Please enter your comment!
Please enter your name here