Unidade Polísia Marítima (UPM), detein Timoroan na’in-tolu iha Palaka, postu administrativu Atabae, munisípiu Bobonaro, ne’ebé tama ho ró hosi Atapupu Indonézia, kinta (19/08/21). Imajen PNTL.

DILI, 19 agostu 2021 (TATOLI)—Unidade Polísia Marítima (UPM), detein Timoroan na’in-tolu iha Palaka, postu administrativu Atabae, munisípiu Bobonaro, ne’ebé tama ho ró hosi Atapupu Indonézia.

“Ohin dader tuku 2:00 otl, ita detein membru arte marsiál na’in-rua iha área Palaka, ne’ebé tama mai hosi Atapupu ho ró, inklui joven ida ne’ebé sai fasilitadór hodi transporta-sira durante ne’e,” Komandante UPM, Superintendente, Basílio de Jesus, hateten liuhosi komunikadu, kinta ne’e.

Notísia relevante:PNTL detein timoroan na’in-haat hakat ilegál ba Indonézia

Tuir identifikasaun polísia, sidadaun na’in-rua ba partisipa ezame arte marsiál nian iha Indonézia iha 16 agostu tinan ne’e.

Daudaun-ne’e UPM asegura hela iha postu Atabae, hodi komunika ho parte ekipa prevensaun COVID-19, atu bele submete ba protokolu saúde, bainhira konklui ona sei loke prosesu tuir dalan legál ne’ebé vigora iha TL.

Jornalista: Nelson de Sousa

Editór: Cipriano Colo

HAKEREK NO HATÁN

Please enter your comment!
Please enter your name here