Ministru Turizmu, Komérsiu no Indústria, José Lucas do Carmo da Silva. Imajen TATOLI/Egas Cristóvão

DILI, 18 agostu 2021 (TATOLI)–Ministru Turizmu, Komérsiu no Indústria (MTKI), José Lucas do Carmo da Silva, hateten, ministériu liuhosi Diresaun Jerál Inspesaun Jogu sei kria sentru jogu tradionál ida no atu prevee orsamentu $75.000 ba inisiativa ne’e.

“Agora ita iha faze estudu viabilidade atu haree fatin ida iha Kuluhun eis Mui, ne’ebé atu ko’alia ho autoridade lokál atu husik fatin ne’e hanesan fatin pilotu ida ba jogu iha ita-nian rai, ne’e ba jogu tradisionál, ita hakarak hamosu uluk fatin pilotu ida ho kritéria ne’ebé ministériu sei estabelese,” Ministru hateten iha Palásiu Governu, kuarta ne’e.

Notísia relevante: Governu sei disemina diploma ministeriál regula jogu tradisionál

Tuir Ministru, sentru jogu tradionál ne’e labele besik komunidade nia uma no eskola.

“Fatin ne’e sei sai fatin jogu integradu ho tipu jogu tradisionál kuru-kuru, bola guling, futu manu, no karta, ita hakarak sai hanesan sentru jogu tradisionál dahuluk iha Timor-Leste,” nia akresenta.

Jornalista : Natalino Costa

Editora     : Julia Chatarina

HAKEREK NO HATÁN

Please enter your comment!
Please enter your name here