Serbisu Rejistu Verifikasaun Emprezariál, Institutu Públiku (SERVE,I.P), sukursál munisípiu Viqueque. Imajen Tatoli/Vitorino Lopes da Costa.

VIQUEQUE, 18 agostu 2021 (TATOLI)—Serbisu Rejistu Verifikasaun Emprezariál, Institutu Públiku (SERVE,I.P),sukursál munisípiu Viqueque, iha  fulan jullu tinan ne’e, rekolla $247 mai hosi rejistu komérsiu no renovasaun lisensa atividade ekonómika no seluk  tán.

“Iha fulan ne’e, komersiante ne’ebé mai SERVE,I.P ho tipu negósiu ki’ik hamutuk 11 no rejistu ba unipesoál hamutuk hitu no renovasaun lisensa hamutuk sia ho unipesoál hamutuk 13,” Koordenadór Rejistu Komersiál iha munisípiu Viqueque, Josenito Pereira de Jesus, hateten ba jornalista Agência Tatoli, iha salaun munisipál Viqueque, kuarta ne’e.

Notísia relevante:Janeiru-juñu SERVE,I.P Viqueque rekolla $707,50

Iha situasaun COVID-19, SERVE,I.P atende de’it ema na’in-sanulu kada loron, maibé nia hein katak, situasaun ne’e bele ultrapasa lalais, nune’e bele halo atendimentu ba komersiante ne’ebé mai halo rejistu.

Jornalista: Vitorino Lopes da Costa

Editór: Cipriano Colo

HAKEREK NO HATÁN

Please enter your comment!
Please enter your name here