Kondisaun atuál iha suku Lour, postu administrativu Bobonaro, munisípiu Bobonaro, sesta (03/07/21). Imajen Tatoli/ Sérgio da Cruz.

BOBONARO, 16 agostu 2021 (TATOLI)—To’o oras-ne’e, Eletrisidade Timor-Leste, Empreza Públika (EDTL,E.P), munisípiu Bobonaro, rejista uma-ka’in 6.196 iha munisipiu ne’e, seidauk asesu eletrisidade.

“Uma-ka’in hirak-ne’e mai hosi postu administrativu neen, no ita resjista katak to’o agora seidauk asesu eletrisidade,” Supervizór EDTL,E.P, munisípiu Bobonaro, Mário de Jesus Soares, hateten ba jornalista Agência Tatoli, iha kna’ar-fatin, segunda ne’e.

Notísia relevante:EDTL,E.P Bobonaro nota instituisaun Estadu la selu eletrisidade

Tuir planu EDTL,E.P Bobonaro katak, iha posiblidade suku Guda, Saburai no Atabae mak hetan uluk oportunidade atu asesu enerjia eletrika.

Hosi sorin seluk, Xefe Suku Guda, postu administrativu Lolotoe, Caetano Fransisco, hateten durante tinan barak ona ninia populasaun seidauk asesu eletrisidade no sunu de’it kamí iha tempu kalan.

Populasaun ne’ebé seidauk asesu eletrisidade iha postu administrativu Loloto’e hamutuk uma-ka’in 673 mak hanesan, suku Op, aldeia Tepa no Hollak totál uma-ka’in 87, suku Lupal aldeia Silagolo no Dilai ho totál 157, suku Guda aldeia Anon, Guda Taz, Oceli Zoilpo ho totál 256, tama ona pakote Instalasaun, suku Gildapil aldeia Atus no Sasa totál 153 no suku Daudeit aldeia ida de’it maka Oburo ho totál uma-ka’in 20.

Postu administrativu Bobonaro hamutuk uma-ka’in 1.630 mak hanesan suku Aisa aldeia Majop 102, Odelgomo 97 no Laho 85, suku Atuben, aldeia Taliti 38, suku Kolimau aldeia Beamos 61 no Polo 52, suku Ilat Lau, aldeia Tuneiru 121, Ilat lau 71 no Purugua 82, suku Leber aldeia Leber Taz 103, Mabelis 74, Holbese 71 no Holsa Taz 85, suku Mali Ubu aldeia Nunoba 92, suku Tebabui, aldeia Ugas 74 no Atupae 54, suku Soelesu, aldeia Soelesu 95 no Suku Lour aldeia Helikei 101, Olo-olo 95 no Galitas 77.

Postu adminiatrativu Maliana suku Saburai aldeia Tasmasak, Cosal no Mabiloa hamutuk 712 mak seidauk asesu, maibé tama ona pakote instalasaun enerjia eletrika iha tinan ne’e.

Postu administrativu Atabae hamutuk uma-ka’in 653 mak hanesan suku Atabae, aldeia Madebau 160, Nundoi 150 tama ona pakote instalsaun, suku Rairobu aldeia Diruanan 50 no Manenehan 50, suku Aidabaleten aldeia Tasi mean 125 no Miguir 50 no suku Hata’az aldeia Hata’az uma-ka’in 50 de’it mak seidauk asesu.

Postu Administrativu Balibo hamutuk uma-ka’in 1.339 mak hanesan suku Balibo aldeia Fatuk laran 123, suku Leo lima aldeia Faturasi 110 no Baur 147, Suku Leo Hitu aldeia Faluwai 44 no Bour 168, suku Kowa aldeia Lalis 155, Bawai 87, Fatutas 96, Mane hadat 88 no Railuli 133.

Postu administrativu Cailaco uma-ka’in ne’ebé seidauk asesu eletrisidade hamtuk 1.207, mak hanesan Suku Meligo aldeia Berlau 115 no Lia Bote 37, suku Raiheu aldeia Dara Asa 11, Oho Aman 183  no Lete Aitutu 63, suku Atudara aldeia Terema 59 no Atu Buti 67, suku Goulolo aldeia Ilat Bote 115 no Mele Lae 107, suku Genulai aldeia Biaboro 98 no Melenaga 31 no suku manapa Aldeia Rate lori 124 no Genu Hali 198 mak seidauk asesu enerjia eletrisidade.

Hosi númeru ne’e, Munisipiu Bobonaro iha aldeia hamutuk 67 no suku 67 iha postu administrativu neen mak durante ne’e seidauk asesu eletrisidade.

Jornalista: Sérgio da Cruz

Editór: Cipriano Colo

HAKEREK NO HATÁN

Please enter your comment!
Please enter your name here