Deputadu Partidu KHUNTO, António Verdiál. Imajen Tatoli/António Gonçalves.

DILI, 13 agostu 2021 (TATOLI)—Parlamentu Nasionál (PN), konsidera programa eskola ba uma, la efetivu tanba estudante-sira hosi eskola públiku laiha telephone android.

Konsiderasaun ne’e bazeia ba fiskalizasaun kona-bá implementasaun programa eskola ba uma ka eskola online, iha ne’ebé eskola públiku-sira iha territóriu nasionál laiha mobile android, eskola barak laiha labtop, no alunu barak mai hosi família ho ekonomia ki’ik.

Notísia relevante:MEJD lansa programa eskola ba uma no tele-eskola

Prezidente Komisaun G ne’ebé trata asuntu edukasaun, jovuntede no sidadania, deputadu António Verdiál de Sousa, informa ba jornalista Agência Tatoli, sesta ne’e.

“Eskola ba Uma ne’e bele aplika de’it ba eskola privada balun tanba iha família ne’ebé ho kondisaun ekonomia di’ak, maibé ba família laiha kbiit difísil atu aplika eskola online,” nia hateten.

Antes ne’e, deputadu bankada FRETILIN, Joaquim dos Santos ‘Boraluli’ konsidera implementasaun programa online liuhosi oferese pulsa ba estudante-sira la efetivu, tanba despeza ne’ebé la fó retornu ba Estadu.

Jornalista: Evaristo Soares Martins

Editór: Cipriano Colo

HAKEREK NO HATÁN

Please enter your comment!
Please enter your name here