Portaun boot atu tama ba áera Munisípiu Viqueque. Imajen Tatoli/Vitorino Lopes da Costa.

VIQUEQUE, 13 agostu 2021 (TATOLI)—Instituisaun Bee Timor-Leste Empreza Públika (BTL,E.P), apresia ho kolabaorasaun hosi funsionáriu públiku no kontratadu Serbisu Agua no Saneamentu (SAS) munisípiu Viqueque.

“Ami apresia tebes funsionáriu SAS hosi Viqueque tanba kolabora di’ak tebes ho BTL,E.P,” Vise Prezidente BTL,E.P, Gustavo da Cruz, hateten ba jornalista Agência Tatoli, iha edifísiu SAS Beloi Viqueque, sesta ne’e.

Notísia relevante:95% profesór sira iha Viqueque simu ona vasina

Apresiasaun ne’e hato’o iha ámbitu sosializasan kona-bá reforma funsionáriu SAS hosi Viqueque transforma ba empreza públiku.

Objetivu hosi sosializasaun ne’e hodi esplika kona-bá dekretu lei númeru 41/25 setembru, funsionáriu públiku no funsionáriu kontratadu, atu hatene reforma ne’ebé akontese iha setór bee no saneamentu.

Prosesu rekrutamentu ba reforma iha BTL,E.P sei realiza liuhosi sosializasaun no ekipa hosi rekursu umanu mós taka sai vaga ba públiku, atu loke dalan ba funsionariu-sira bele aplika iha posizasaun tékniku, adiministrasaun finansa, apoiu kliente no operasionál.

Iha fatin hanesan, diretór SAS Viqueque, Marito da Costa, haktuir funsionáriu SAS iha munisípiu ne’e konkorda atu Governu hola inisiativa transforma diresaun SAS sai empreza públiku.

Nune’e, funsionáriu sira hosi ministériu ne’ebé destaka mai munisípiu Viqueque iha tinan 2006, prontu koopera.

Funsionáriu diresaun SAS permanente iha Viqueque hamutuk na’in 15, kazuál na’in-rua no voluntáriu na’in-tolu.

Jornalista: Vitorino Lopes da Coata

Editór: Cipriano Colo

HAKEREK NO HATÁN

Please enter your comment!
Please enter your name here