Diretór Eskola Munisipiu Viqueque, Emidio Amaral. Imajen Tatoli/Francisco Sony

DILI, 13 agostu 2021(TATOLI)-Diretór Edukasaun Munisípiu Viqueque, Emidio Amaral, informa 95% profesór sira iha Munisípiu Viqueque simu  ona vasina.

“Iha Munisípiu Viqueque totál profesór hamutuk na’in-1.200, no hosi númeru ne’e profesór  1.113 mak simu ona vasina no restu ne’e seidauk maibé horiseik na’in-60 resin  simu tan ona vasina doze dahuluk nian,  ne’ebé ita konta ne’e 95% profesór Viqueque simu ona vasina,” Emidio Amaral hateten ba Agência Tatoli iha Sentru Imprime Comoro, Dili sesta ne’e.

Nia hatutan, profesór sira tenke simu vasina tanba tuir despaixu hosi Ministériu Edukasaun Juventude no Desportu (MEJD) katak, profesór sira ne’ebé atu hanorin tenke simu vasina maibé profesór ne’ebé la vasina tenke halo karta tau falta no la simu saláriu.

“Ba profesór  ne’ebé la vasina labele tama hanorin, nune’e mós estudante sira ne’ebé tinan 18 ba leten tenke simu tanba ne’e orientasaun no horiseik estudante hosi ensinu Sekundáriu Jerál  Katólika Santa Madalena de Canossa Ossu, estudante tinan 18 ba leten hamutuk na’in-62 mak simu ona vasina. Totál estudante ensinu Sekundária Jerál iha munisípiu Viqueque ne’ebé tinan 18 ba leten atu simu vasina hamutuk 3.000,” Emidio Amaral hateten.

Jornalista   :  Arminda Fonseca

Editór         :  Francisco Simões

HAKEREK NO HATÁN

Please enter your comment!
Please enter your name here