Diretór Jerál Serbisu Imigrasaun, Superintendente Asistente, Luis Soares Barreto. Imajen Tatoli/Nelson de Sousa.

DILI, 11 agostu 2021 (TATOLI)—Serbisu Imigrasaun sei loke prosesu administrativu hasoru Timoroan na’in 113, ne’ebé autoridade Indonézia deporta ona mai Timor-Leste (TL), iha tersa ne’e.

“Timoroan ne’ebé tama ilegál ba Indonézia mai fali ona territóriu TL no agora kumpre hela kuarentena iha Dili tuir prosedimentu prevensaun COVID-19. Bainhira kumpre ona kuarentene, serbisu imigrasaun sei hala’o prosesu adminstrativu, hodi  fó sansaun multa,” Diretór Jerál Serbisu Imigrasaun, Superintendente  Asistente, Luis Soares Barreto, hateten ba jornalista-sira iha kna’ar fatin, Vila Verde, kuarta ne’e.

Notísia relevante:Autoridade seguransa Indonézia deporta Timoroan 113 mai TL

Luis Soares Barreto, esplika prosesu administrativu sansaun sei tuir dekretu Governu númeru 18/2021,1 jullu, kona-bá medida ezekusaun dekralarasaun Estadu ermerjénsia efetua hosi dekretu Prezidente Repúblika númeru 39/2021 30 juñu, ne’ebé iha artigu 7 obrigatóriu kontrola sanitáriu, iha alinea  4 hateten ba indivídu ne’ebé tama sai territóriu nasionál ho dalan ilegál sei hetan koima $30-250.

Bainhira serbisu imigrasaun kompleta ona identifikasaun, sei relata mós ba komandu PNTL liuhosi serbisu investigasaun, hodi loke mós prosesu kriminál, tanba dezobediénsia  ba regra, hodi haruka ba Ministéiru Públiku (MP) atu aprezenta ba Tribunál.

Jornalista: Nelson de Sousa

Editór: Cipriano Colo

HAKEREK NO HATÁN

Please enter your comment!
Please enter your name here