Vise Ministru Saúde, Bonifácio Maucoli dos Reis. Imajen Tatoli/Francisco Sony.

DILI, 09 agostu 2021 (TATOLI)—Vise-Ministru Saúde, Bonifácio ‘Mau Coli’ dos Reis, informa iha fulan oin COVAX Facility sei oferese vasina Pfizer doze 100.620, atu bele kobre munisípiu haat hanesan Dili, Covalima, Bobonaro no Ermera.

“Alvu ne’e ba liu estudante no ba sira ne’ebé la eskola ho idade 12-17 mai kraik,” Bonifácio ‘Mau Coli’ dos Reis, hateten ba jornalista-sira iha salaun MSSI, Caicoli, segunda ne’e.

Notísia relevante:Semana ne’e taxa insidénsia COVID-19 tun ba 6,1

Sira ne’ebé atu simu vasina Pfizer hamutuk rihun 181, sira ne’ebé estudante atu simu vasina ne’e hamutuk rihun 145 no sira ne’ebé la eskola hamutuk rihun 36.

Nia dehan, ida-ne’e konsentra liu ba munisípiu haat hanesan, Dili, Suai, Bobonaru no Ermera tanba munisípiu haat mak daudaun ne’e iha ona risku ba kontájiu variante foun Delta.

MS halo preparasaun hahú hosi fulan agostu dezenvolve ona mata dalan, hanesan prepara korrente malirin oinsá armazena vasina Pfizer, tanba tenke rai iha temperatura ne’ebé menus hosi 90 to’o 60 sélsiu, nune’e mós sei prepara korrente malirin iha ospitál referál-sira.

Jornalista: Felicidade Ximenes

Editór: Cipriano Colo

HAKEREK NO HATÁN

Please enter your comment!
Please enter your name here