Kontra atake entre jogadór FC Lero no DIT FC. Imajen/Dok.Mídia LFA

DILI, 05 agostu 2021 (TATOLI) – Treinadór prinsipál klube Primeira Divizaun, DIT FC, Alex Cham hateten durante semana tolu ona hala’o treinamentu hodi prepara ba jogu tolu ne’ebé sei akontese agostu nia laran ne’ebé organiza hosi Liga Futeból Timor -Leste (LFTL) no Federasaun Futeból Timor -Leste (FFTL).

Notísia Relevante : SEJD prosesa ona transferénsia osan $310.000 ba FFTL

“Ami prepara jogadór-sira durante semana tolu ona, jogadór-sira ami mantein nafatin ho jogadór anterior, maski jogadór balu sai ba klube seluk, maibé ami sei kontratu tan jogadór estranjeiru tolu hosi Indonézia karik situasaun di’ak ami sei hatama sira mai reforsa DIT,”  Alex Cham hateten ba Agência Tatoli iha kampu DIT, Dili, kinta ne’e.

Nia dehan, preparasaun durante ne’e barak liubá amizade iha klube laran bainhira jogu no prepara kondisaun fíziku ba jogadór sira.

Tuir nia haree durante tempu naruk jogadór-sira deskansa iha uma tanba pandemia global afeta mundu tomak halo jogadór sira-nia stamina tun, maibé ho treinamentu ne’ebé iha bele ajuda ona jogadór sira-nia stamina bainhira jogu laiha difikuldade.

Kona-bá vasina maioria jogadór hetan hotu ona balun kompleta ona doze segundu no balun hein atu kompleta tan doze segundu.

Treinamentu ba jogadór DIT hala’o iha kampu DIT hahú segunda to’o sesta iha oras loraik.

DIT mós submete ona dokumentu ba FFTL no LFTL tuir saida mak órgaun rua-ne’e husu. Tanba ne’e, DIT hein de’it atu hala’o jogu iha kualkér tempu.

Jornalista   : Hortencio Sanchez

Editór        : Francisco Simões

 

HAKEREK NO HATÁN

Please enter your comment!
Please enter your name here