Selebrasaun semana mundiál susu been inan iha postu saúde Betano, Munisípiu Manufahi, kuarta (04/08/21). Imajen Tatoli/Felicidade Ximenes.

MANUFAHI, 04 agostu 2021 (TATOLI)—To’o ohin, populasaun iha suku Betano, Postu administrativu Same, munisípiu Manufahi, simu ona vasina 75%.

“Aldeia balun mak seidauk vasina másimu, maibé 75% ita atinji ona vasinasaun. Durante ne’e ami halo sosializasaun mak implementa maibé komunidade balun mai vasina no balun la mai. Sira ne’ebé la mai ne’e ita labele obriga tanba vasina ne’e mós la’ós obrigatóriu,’’ Médika Jerál, Dirce Albertina Dias Ximenes, hateten ba jornalista Agência Tatoli iha postu saúde Betano, kuarta ne’e.

Notísia relevante:Postu saúde Betano laiha bee moos

Alende ne’e, hahú fulan maiu to’o jullu, potu saúde Betano rejista tipu moras mak hanesan tensaun, estómagu no Infesaun Respiratória Alta (IRA).

Númeru moras hirak-ne’e detetadu durante atividade vasina, kompostu hosi ema moras tensaun hamutuk 50-resin, estómagu 50 inklui IRA, mai hosi labarik tinan lima mai karaik no ema boot hamutuk 100-resin.

Suku Betano iha aldeia hitu mak hanesan aldeia Sesurai, Loro, Leoai, Raifusa, Bemetan, Selihasan no Lalika.

Jornalista: Felicidade Ximenes

Editór: Cipriano Colo

HAKEREK NO HATÁN

Please enter your comment!
Please enter your name here