Selebrasaun semana mundiál susu been inan iha postu saúde Betano, Munisípiu Manufahi, kuarta (04/08/21). Imajen Tatoli/Felicidade Ximenes.

MANUFAHI, 04 agostu 2021 (TATOLI)—Médika Jerál, Dirce Albertina Dias Ximenes, informa durante tinan lima postu saúde Betano, munisípiu Manufahi, la asesu bee moos.

“Tinan lima ona ami la asesu bee moos. Bainhira atu atende inan isin-rua partus, família-sira ba kuru rasik bee no  lori mai iha postu saúde,’’ Dirce Albertina  Dias Ximenes, hateten ba jornalista Agência Tatoli, iha postu saúde Betano, kuarta ne’e.

Notísia relevante:79% populasaun Manufahi asesu bee-moos ho sufisiente

Preokupasaun ne’e parte postu saúde hato’o beibeik ona ba  Munisípiu Manufahi, maibé to’o agora seidauk iha rezultadu.

Hatán ba preokupasaun ne’e, Diretora Serbisu Saúde Munisípiu Manufahi, Florência  Tilman Cortereal, hateten to’o oras-ne’e orsamentu ba manutensaun ba kanalizasaun bee moos laiha, tanba ne’e mak seidauk hadia bee moos ida ne’e.

Oras-ne’e  daudaun profisionál saúde ne’ebé hakna’ar-an iha postu saúde Betano hamutuk na’in-rua Médika Jerál na’in-ida ho parteira na’in ida inklui pesoál limpeza.

Jornalista: Felicidade Ximenes

Editór: Cipriano Colo

HAKEREK NO HATÁN

Please enter your comment!
Please enter your name here