Portaun boot atu tama ba áera Munisípiu Viqueque. Imajen Tatoli/Vitorino Lopes da Costa.

VIQUEQUE, 29 jullu 2021 (TATOLI)—Programa ambiente moos hosi Ministériu Saúde (MS), suporta hosi Autralia Aid no implemeta hosi Timor Aid iha munisípiu Viqueque liuhosi programa Área La-Soe Foer-boot Arbiru (ALFA), ho nia-rezultadu hatudu katak, populasaun pursentu 92 (%) la soe ona foer-boot arbiru.

Diretór Timor Aid,  Florentino Sarmento, hateten programa ne’e realiza Governu no Organizasaun Naun Governamentál (ONG) sira, la fó apoiu ruma fó hanoin de’it oinsa bele muda ema ninia hanoin.

Notísia relevante:Estudante na’in-ualu iha Viqueque pozitivu COVID-19

Hosi rezultatu implementasaun programa ALFA hahú 2018 to’o agora populasaun 92% mak deklara ona katak, la soe ona foer-boot arbiru no hela 8% mak sei kontinua soe foer-boot arbiru.

Tanba ne’e, Timor Aid sei esforsu halo sensibilizasaun ba komunidade atu bele kumpre no halo rasik fasilidade sanitária  (sentina).

“Ami haree implementasaun programa ALFA iha munisípiu Viqueque atinji ona 92%, populasaun la soe ona foer-boot arbiru. Kontribuisaun populasun  hosi postu adiministrativu rua Uatucarbau no Lacluta iha família ida iha hotu fasilidade sanitária (sintina),” Florentino Sarmento, hateten ba jornalista Agência Tatoli, iha munsípiu Viqueque, kinta ne’e.

Florentino hatutan, munisípiu Viqueque iha postu administrativu Uatucarbau, Uatulari no Ossu mak seidauk kumpre programa ALFA, maibé Timor Aid fó hanoin nafatin  ba autoridade no komunidade atu kada uma halo rasik fasilidade sanitária.

Iha fatin hanesan, administradór munisípiu Viqueque, Januario Soares ‘Bolly’, husu autoridade postu no suku-sira atu fó hanoin ba komunidade, labele soe foer-boot arbiru atu munisípiu Viqueque sai ambiente moos.

Jornalista: Vitorino Lopes da Costa

Editór: Cipriano Colo

HAKEREK NO HATÁN

Please enter your comment!
Please enter your name here