Katana. Imajen Google

DILI, 29 jullu 2021 (TATOLI)—Polísia Nasionál Timor-Leste (PNTL), halo hela investigasaun ba suspeitu JS ne’ebé oho nia-oan mane Felis Sampaio, iha aldeia Kirilelo, suku Asumanu, postu administrativu Liquiça Villa, munisipiu Liquiça.

Portavós Komandu Jerál PNTL, Superintendente Xefe, Arnaldo de Araújo, esplika kazu omesídiu ne’e akontese iha 27 jullu 2021 tuku 18:30 otl, bainhira oan ho kondisaun lanu no hasai lia-fuan aat hasoru nia aman.

Notísia relevante:Kazu hamate Fitalício, arguidu na’in-tolu kumpre prizaun preventiva

“Ho ida-ne’e nia-aman la simu, nune’e lori katana taa iha nia liman loos ho kakorok to’o mate kedan iha fatin,” Arnaldo de Araújo hateten ba jornalista-sira liuhosi konferénsia imprensa, iha Komandu Jerál PNTL, Caicoli, kinta ne’e.

Nia dehan, daudaun-ne’e suspeitu iha hela sela komandu PNTL munisípiu Liquiça hodi hein prosesu investigasaun.

Bainhira konklui investigasaun, PNTL sei prepara atu hato’o auto-notísia ba Ministériu Públiku (MP), hodi bele loke prosesu tuir-mai.

Jornalista: Nelson de Sousa

Editór: Cipriano Colo

HAKEREK NO HATÁN

Please enter your comment!
Please enter your name here