iklan

EKONOMIA, HEADLINE

Governu halo revizaun tarifa kobransa ba utilizadór Portu Tibar

Governu halo revizaun tarifa kobransa ba utilizadór Portu Tibar

Konstrusaun Portu Baía Tibar, segunda (08/02). Imajen TATOLI/António Gonçalves

DILI, 28 jullu 2021 (TATOLI)-Governu liuhosi reuniaun Konsellu Ministru (KM) aprova ho alterasaun projetu deliberasaun kona-ba revizaun valór tarifa kobransa ba utilizadór sira bainhira Portu Tibar hahú halo operasaun.

“Alterasaun ne’e Estadu halo konsesionária ho privadu, tanba parte rua halo ona alterasaun ba kontratu ne’ebé iha no bainhira lori bá Konsellu Ministru, nota katak parte rua konkorda ho presu tarifa Portu Tibar bainhira hahú halo operasaun,” Ministru Prezidénsia Konsellu Ministru, Fidelis Manuel Leite Magalhães, hateten, hafoin reuniaun ezekutivu, iha Palásiu Governu, kuarta ne’e.

Notísia relevante: Timor Port planeia rekruta ema 300 ba operasionalizasaun Portu Tibar

Projetu delibersaun ne’e aprezenta hosi Ministru Finansa, Rui Augusto Gomes, ne’ebé hetan apresiasaun no aprovasaun hosi KM.

Tuir Ministru, revizaun ba valór tarifa kobransa utilizadór sira iha Portu Tibar, kompostu hosi taxa konsesaun ne’ebé sei hetan hosi konsesionária, hanesan royalty, no penalidade sira ne’ebé selu hosi konsesionária tanba la kumpre rekezitu mínimu ein termu servisu no ekipamentu.

“Alterasaun ne’e tanba iha mudansa globál no fatór ekonómiku rejionál no kondisaun portu sira, tanba ne’e ita halo ajustamentu ba presu tarifa Portu Tibar,” nia subliña.

Revizaun ne’e, ho fatór indesaun 1,061, ne’ebé karga tráfegu diminui kompara ho previzaun ekonomia reál iha tinan hirak ikus ne’e tanba pandemia.

Nune’e mós, haree ba vontade konsesionária hodi kontinua dezenvolve projetu no hahú opera ho lais liu, maka revizaun sei hanesan ho valór ne’ebé tama iha vigór no konsesionária bele hahú ona operasaun iha loron determinadu.

Tuir planu, projetu konstrusaun Portu Baía Tibar sei ramata iha maiu 2022, tanba ne’e hahú halo ajustamentu hodi bele halo operasaun.

Projetu Konstrusaun ho nível intrenasionál ne’e, wzekuta hosi Timor-Port, S.A ho modalidade Parseria Públika Privada (PPP).

Ba konstrusaun ne’e, Governu aloka millaun $130, enkunatu Timor Port no Bolloré hamutuk millaun $140, ne’ebé totál orsamentu hamutuk  $270 ba faze inísiu.

Nune’e, totál investimentu orsamentu ba Portu Tibar to’o tinan 30 valór milaun $500.

Jornalista : Florêncio Miranda Ximenes

Editora     : Julia Chatarina

iklan
iklan

Leave a Reply

iklan
error: Content is protected !!