Diretór Sentru Formasaun Profisionál (CFP-sigla portugés) Don Bosco Comoro, Irmaun Adriano Maria de Jesus, SDB. Imajen Tatoli/Nelia Fernandes.

DILI, 26 jullu 2021 (TATOLI)—Diretór Sentru Formasaun Profisionál (CFP-sigla portugés) Don Bosco Comoro, Irmaun Adriano Maria de Jesus, SDB, informa maske Governu liuhosi Ministériu Edukasaun Juventude no Desportu (MEJD) hasai ona sirkulasaun katak iha loron 19 jullu reativa aula prezensiál maibé sentru ne’e planea ona sei reativa formasaun iha fulanagostu tinan ne’e.

Notísia Relevante: Sentru Formasaun Don Bosco hein desizaun MEJD reativa formasaun

“Ami seida’uk hetan informasaun hosi SEFOPE, maibé ami-nia sentru rasik iha ona planu atu hahú fali atividade eskola ka reativa aula prezensiál iha loron 02 fulan-agostu tinan 2021,” Irmaun Adriano Maria de Jesus hateten ba Agência Tatoli, iha nia knaar fatin Comoro, Díli, segunda ne’e.

Informasaun reativa aula prezensiál ne’e, Sentru Formasaun Profisionál ne’e sei fó sai avizu ba estudante sira liuhosi grupu WhatsApp tanba antes feriadu ne’e kria ona grupu refere hodi atualiza informasaun ba malu no konkorda katak iha fulan-agostu nia hahú ne’e sei reativa formasaun.

“Durante ne’e, ami update informasaun liuhosi grupu WA ne’ebé sira hotu hatene ona. Ami hein de’it, atu hahú aula prezensiál iha fulan oin,” nia dehan.

Tuir nia, desizaun reativa formasaun ne’e sei kumpre medida prevensaun COVID-19 nian ne’ebé fó sai hosi Ministériu Saúde (MS) no Organizasaun Mundiál Saúde (OMS) hodi fase liman beibeik ho sabaun, uza máskara dno distánsiamentu sosiál, hodi bele prevene no kombate COVID19 iha Timor-Leste.

Entretantu, totál estudante ne’ebé tuir formasaun iha tinan 2021 hamutuk na’in174, ne’ebé tuir formasaun iha área formasaun konstrusaun jerál ne’ebé kompostu hosi eletrisidade, soldadura, karpintaria, pedreiru, no kanalizasaun, nomós iha área mekánika, administrasaun, no agora dadaun sei iha prosesu akreditasaun hosi Governu.

Jornalista : Nelia Fernandes

Editór       : Cancio Ximenes

HAKEREK NO HATÁN

Please enter your comment!
Please enter your name here