iklan

JUSTISA, DILI, HEADLINE

26 jullu, prizaun Becora hahú simu vizita família

26 jullu, prizaun Becora hahú simu vizita família

Prizioneiru iha prizaun Becora. Imajen Tatoli/António Gonçalves.

DILI, 23 jullu 2021 (TATOLI)—Estebelesimentu Prizionál Becora, sei hahú simu hikas vizita família iha 26 jullu tinan ne’e.

Reativasaun ne’e bazeia ba despaixu Ministru Justisa (MS), Manuel Cárceres da Costa, ministeriál númeru 044/2021, 22 juñu.

Notísia relevante:MJ suspende vizita prizaun Becora ho Gleno

Iha despaixu  ne’e fó órden ba dirijente estabelesimentu prizionál  Becora, Gleno no Suai atu re-estabelese rejime vizita normál ba populasaun iha prizionál-sira.

“Nune’e estebelesimentu prizionál Becora hahú simu fali vizita família ba maluk populasaun prizionál-sira iha segunda 26 jullu tinan ne’e, oras nafatin,” Diretór Prizaun Becora, João Domingos, hateten ba jornalista Agência Tatoli, sesta ne’e.

João Domingos husu vizitante-sira atu sujeita tenke aprezenta prova identidade ne’ebé válidu hanesan kartaun eleitorál, billete identidade, passaporte no seluk tan.

Vizitante-sira mós tenke aprezenta kartaun vasina  no kumpre  regra Organizasaun Mundiál Saúde (OMS) no Ministériu Saúde (MS), kona-bá medida prevensaun COVID-19 maka tenke fase liman, uza maskrá no distánsia sosiál.

Bandu vizitante-sira halo kontaktu fíziku, labele kaer-liman, hako’ak-malu ho família-sira  bainhira vizíta prizaun.

Daudaun-ne’e prizaun Becora iha dadur hamutuk 536, kompostu hosi kondenadu 441 no prizaun preventina  125.

Hosi númeru ne’e, simu ona vasina AstraZeneca  ho Sinovax  na’in-515 no seida’uk simu 21 tanba balun ho moras komplikadu.

Jornalista: Nelson de Sousa

Editór: Cipriano Colo

iklan
iklan

Leave a Reply

iklan
error: Content is protected !!