Komandante Bombeiru Munisípiu Viqueque, Vitorino Duarte Ribeiro. Imajen Tatoli/Vitorino Lopes da Costa.

VIQUEQUE, 22 jullu 2021 (TATOLI)—Bombeiru Munisípiu Viqueque, presija kombustível hodi halo atendimentu ba situasaun emerjénsia, liuliu bainhira akontese inséndiu.

“Difikuldade ne’ebé ami hasoru maka kombustível. Viatura iha kuartél, durante tinan rua seidauk halo manutensaun. Ita-nia ekipamentu mós limitadu hodi ajuda vítima dezastre naturál no estrada iha Viqueque ladún di’ak ne’ebé ita to’o fatin akontesimentu sempre tarde,” Komandante Bombeiru Munisípiu Viqueque, Vitorino Duarte Ribeiro, hateten ba jornalista Agência Tatoli, kinta ne’e.

Notísia relevante: Vítima inséndiu iha Viqueque simu ona apoiu emerjénsia

Vitorino Duarte Ribeiro hatutan, maski hasoru dezafiu oi-oin, maibé kontinua ho espíritu no vontade hodi ezerse funsaun atu responde situasaun emerjénsia ne’ebé akontese iha munisípiu  ne’e.

Bombeiru iha munisípiu ne’e mós iha kolaborasaun di’ak ho parte autoridade lokál, komunidade  hodi apoia serbisu iha situasaun emerjénsia.

Fasilidade ne’ebé Bombeiru iha Viqueque durante ne’e utiliza mak hanesan, karreta tanki pezadu unidade ida no karreta lixeiru rua no membru Bombeiru ne’ebé  destaka iha munisípiu ne’e hamutuk na’in 17.

Jornalista: Vitorino Lopes da Costa

Editór: Cipriano Colo

HAKEREK NO HATÁN

Please enter your comment!
Please enter your name here