Prezidente Konsellu Administrasaun Interinu CNC, Pe. Juvito do Rego. Imajen Tatoli/Egas Cristovão

DILI, 16 jullu 2021 (TATOLI)- Centro Nacional Chega! Institutu Públiku  (CNC,I.P) sei halo esforsu buka meiu hodi dignifika sobrevivente-sira ne’ebé sei moris ne’e.

Notísia Relevante : MJ nia papél reparasaun vítima funu 1975-1999

Prezidente Konsellu Administrasaun Interinu CNC, Pe. Juvito do Rego, hateten CNC presiza esforsu hodi dignifika sobrevivente-sira tanba atividade CNC komemora ninia aniversáriu ba-IV ho tema “Memoriálizasaun Dalan ba Dignifika Sobrevivente” entaun instituisaun ne’e harii ho ninia intensaun atu implementa relatóriu finál ho rekomendasaun sira kona-ba relatóriu Comissão de Acolhamento Verdade e Reconciliação (CAVR)-Chega” no Comissão da Verdade e Amizade (CVA).

“Liuhosi tema memoriálizasaun katak halo memória dalan ida atu dignifika sobrevivente-sira tanba ema barak terus ba rai ne’e. Ba ita jerasaun foun sira ne’e koñese ona istória ida-ne’e, entaun sira ne’ebé sei moris ne’e CNC buka meiu ida atu dignifika sira ho meiu ida reparasaun, molok sira mate,” Pe. Juvito do Rego, informa ba Agência Tatoli iha salaun konferénsia CNC,  Dili, sesta ne’e.

Nia hatutan, reparasaun no dignifika ba sobrevivente-sira nia mekanizmu ida ne’ebé atu tulun maka sira ne’ebé sei moris, maibé sofre hetan aleijamentu, hanesan ain no liman kotu iha funu tomak, CNC dada tau atensaun ba sira sosa ain no lima falsu ba sira hosi uza hatutan sira-nia moris no sira ne’ebé moras trata sira-nia saúde liuhosi saúde mentál no fíziku hodi fasilita sira-nia moris bele di’ak.

“Ita ko’alia kona-ba atu dignifika ne’e liuhosi kampu prátika ne’e sira ne’ebé karik sira-nia oan labele asesu la eskola ajuda haree sira-nia oan nia eskola, no sira ne’ebé vulneravel liu fó apoiu finanseiru ruma ba sira,” nia hatutan.

Diretór Ezekutivu CNC, Hugo Maria Fernandes informa, ba oin atu dignifika sobrevivente sira ho di’ak liután mak ohin realiza kolókiu nasionál hodi tau hanoin ba oin oinsá sobrevivente sira bele hetan sira-nia direitu.

“Kolókiu nasionál ida-ne’e ita bele hamosu asaun ne’ebé mak mais integradu, sistemátiku, atu hateten katak hafoin tinan rua ita hakarak halo asaun nasionál ne’e atu hatán ba saida mak relatóriu Chega rekomenda katak tenke iha programa reparasaun nasionál ida,” Hugo Feranandes hateten.

CNC hala’o atividade kolókiu ida ne’e ida ne’e tanba haktuir rekomendasaun CAVR no CVA ninian ho kompeténsia ba Estadu Timor liga ba programa nasionál kona-ba reparasaun hanesan, hosi CNC nia haree mós to’o agora sobrevivente barak seidauk hetan atendimentu espesífiku ruma.

Jornalista       : Arminda Fonseca

Editór             : Francisco Simões

HAKEREK NO HATÁN

Please enter your comment!
Please enter your name here