Osan Dollar Amerikanu. Imajen/Espesiál

DILI, 15 jullu 2021 (TATOLI)—Diretór Dirasaun Nasionál Jestaun Finansa Públika Ministériu solidaridade Sosiál no Inkluzaun (MSSI), Jemmy Valente dos Reis hateten Orsamentu Jerál Estadu (OJE) 2021 ba trimestre daruak nian, MSSI foin mak ezekuta 12.1%.

“Ami foin mak ezekuta OJE 2021 nian ba trimestre daruak nian hamutuk 12.1% hosi millaun $8.7,” Jemmy Valente dos Reis hateten ba Agência TATOLI, liuhosi telefónika, kinta ne’e.

Iha ezekusaun ne’e saláriu no vensimentu ezekuta 40.5% ($1.1) hosi osan aprovadu millaun $1.8, bens servisu ezekuta 22.7% (millaun $3.5) hosi osan aprovadu millaun $5.9, kapitál menór iha 14.1% (rihun $26.000) hosi osan aprovadu $721.000, kapitál dezenvolvimentu zero no tranferénsia públika ezekuta ona 2.6% (millaun $2.1) hosi osan aprovadu millaun $9.4.

Nia dehan, planu prioridade ba tinan 2021 ne’ebé MSSI hala’o hamutuk programa hitu mak asisténsia sosiál, dezenvolvimentu sosiál, protesaun sivil, kombate HIV/SIDA, programa direitu labarik nian, protesaun ba ema ho defisiénsia sira no ba kooperasaun parseria.

Iha trimestre datoluk, nia hateten, MSSI kontinua ho programa ne’ebé mak seidauk ezekuta iha trimestre dahuluk no daruak nian.

Antes ne’e, iha trimestre dahuluk ne’e Minsitériu Solidariedade Sosiál no Inkluzaun (MSSI) ezekuta ona 7.8% ho orsamentu millaun $1.2.

Notísia Relevante: OJE 2021, MSSI ezekuta ona millaun $1,2

Jornalista : Osória Marques

Editór       : Cancio Ximenes

HAKEREK NO HATÁN

Please enter your comment!
Please enter your name here