Ekipa F-FDTL ajuda populasaun defisiénsia sira hodi fó tratamentu saúde iha Krarás-Viqueque. Imajen/F-FDTL.

VIQUEQUE, 15 jullu 2021 (TATOLI)— Diretór Sentru Saúde Munisípiu Viqueque, Francisco de Carvalho hateten, kobertura serbisu saúde iha munisípiu ne’e buat hotu-hotu la’o di’ak, maski hasoru dezafiu, tanba pesoál saúde-sira serbisu ho laran no iha duni espíritu atu serbí povu.

“Dezafiu ne’ebé pesoál saúde hasoru tanba área lu’an no populasaun barak mak hela iha área rurál, estrada la di’ak. Maibé kobertura serbisu saúde la’o di’ak, to’o ámbitu COVID-19,” Francisco de Carvalho, hateten ba jornalista Agência Tatoli, iha sentru saúde munisípiu Viqueque, kinta ne’e.

Notísia relevante:Ekipa médiku HNGV konsulta abitante 70-resin iha Viqueque

Nia esplika, parte serbisu saúde munisípiu Viqueque durante ne’e koloka pesoál saúde, tuir númeru populasaun iha kada postu administrativu, tanba haree ba taxa natalidade, mortalidade no morbilidade iha nível munisípiu 1/10.000.

Ho kolokasaun pesoál saúde iha postu saúde sira konsege halo sensibilizasaun ba programa partu seguru ho di’ak iha munisípiu, nível postu administrativu to’o aldeia.

Demografia populasaun Viqueque

Dadus estatístika Ministériu Saúde (MS) iha 2019 ba nível suku, munisípiu Viqueque, postu Viqueque Villa suku Balarauain totál populasaun 3.172, Bibileo 3.360, Caraubalu 7.133, Watu Dere 687, Luca 2.562, Maluru 864, Uai-Mori 1.215, Uma Quic 2.136, Uma Uain Craic 4.783 no Uma Uain Leten 1.689 ho totál 27.601.

Postu administrativu Ossu, populasaun hosi suku Builale 1.215, Liaruca 1.066, Loi-Hunu 1.356, Nahareca 2.176, Ossorua 2.477, Ossu de Cima 4.610, Uabubo 2.922, Uagia 1.225, Uaibobo 1.344 ho totál 18.391.

Postu administrativu Lacluta populasaun hosi suku Ahic 1.333, Dilor 3.020, Laline 1.004 no Uma Tolu 1,912 ho totál 7269.

Postu administrativu Uatucarbau populasaun hosi suku Afaloicai 1.424, Bahata 636, Irabin de Baixu 2.783, Irabin de Cima 693, Loi Ulu 694 no Uani Uma 1.671 ho totál 7.901.

Postu administrative Uatulari populasaun hosi suku Afaloicai 4.206, Babulo 2.337, Macadique 5.729, Matahoi 4.823, Uaitame 1.422 no Vessoru 1.623 ho totál populasaun 20.140 no grande totál populasaun hosi munisípiu Viqueque 81.302.

Demografia saúde

Destakamentu pesoál saúde iha postu administrativu  Viqueque Villa, jestór na’in-ida, médiku na’in 11, enfermeiru na’in 35, parteira na’in 10, dentaria na’in-tolu, tékniku laboratóriu na’in-haat, tékniku farmásia na’in-rua, nutrisaun na’in-ida, tékniku RAD na’in-haat, Sanitáriu na’in-haat, administrasaun na’in-rua, Oftomologia na’in-ida, asistente emfarmajen na’in-hitu, mercord na’in-haat, motorista na’in-tolu, cleaner na’in-haat, seguransa na’in-rua ho totál na’in 90.

Postu saúde Viqueque Villa kompostu hosi jestór na’in-ida, médiku na’in-tolu, enfermeiru na’in 17, parteira na’in-tolu, dentaria na’in-ida, tékniku laboratóriu na’in-ida, tékniku farmasia na’in-ida, nutrisaun na’in-ida, tékniku RAD na’in-ida, sanitáriu na’in-ida, administrasaun na’in-ida, Oftomologia na’in-ida, asistente emfajen na’in-ida, motorista na’in-ida, cleaner na’in-ida ho totál na’in 35.

Postu saúde Ossu kompostu hosi jestór na’in-ida, médiku na’in-rua, enfermeiru na’in-hitu, parteira na’in-rua, dentaria na’in-ida, tékniku laboratóriu na’in-ida, tékniku farmasia na’in-ida, nutrisaun na’in-ida, tékniku RAD na’in-ida, Sanitáriu na’in-ida, administrasaun na’in-rua, Oftomologia na’in-ida, asistente emfarmajen na’in-rua, motorista na’in-ida, cleaner na’in-rua no seguransa na’in-ida.

Postu saúde Uatucarbau iha  jestór na’in-ida, médiku na’in-tolu, enfermeiru na’in-lima, parteira na’in-rua, enfermeru dentaria na’in-ida, tékniku laboratóriu na’in-ida, tékniku farmasia na’in-ida, nutrisaun na’in-ida, tékniku RAD na’in-ida, Sanitariu na’in-ida, administrasaun na’in-rua, Oftomologia na’in-ida,asistente emfarmajena na’in-rua, motorista na’in-ida, cleaner na’in-rua no seguransa na’in-ida.

Postu saúde Lacluta iha jestór na’in-ida, médiku na’in-rua, enfermeiru na’in-tolu, parteira na’in-tolu, enfermeru dentaria na’in-ida, tékniku laboratóriu na’in-rua, tékniku farmasia na’in-ida, nutrisaun na’in-ida, tékniku RAD na’in-ida, Sanitariu na’in-ida, administrasaun na’in-ida, Oftomologia na’in-ida, asistente emfarmajen na’in-ida, motorista na’in-ida, cleaner na’in-ida no seguransa na’in-ida.

Jornalista: Vitorino Lopes da Costa

Editór: Cipriano Colo

HAKEREK NO HATÁN

Please enter your comment!
Please enter your name here