Ekipa konjunta kaptura AS iha Aeroportu Comoro, kinta (08/07/21). Imajen facebook.

DILI, 08 jullu (TATOLI)—Serbisu Investigasaun Kriminál Nasionál (SIKN), detein ona AS iha sala detensaun SIKN Caicoli, tanba deskonfia oho nia kaben Primeira Sarjentu Rosantina dos Santos.

Tuir informasaun ne’ebé Agência Tatoli asesu hosi parte SIKN katak, ekipa konjunta kompostu hosi Serbisu Investigasaun Kriminál Nasional (SIKN) hamutuk ho Serbisu Informasaun Polísia (SIP), kaptura AS bainhira subar besik família iha área Aeroportu Internasionál Comoro, iha kinta tuku 20:30 otl.

Notísia relevante:PNTL kontinua buka-tuir suspeitu oho Primeira Sarjentu Rosantina

Hafoin kaptura, ekipa konjunta transporta kedan ba iha edifísiu SIKN Caicoli, hodi submete ba detensaun no investigasaun, nune’e bele submete ba primeiru interogatóriu iha Tribunal.

Suspeitu AS nu’udár la’en ne’ebé deskonfia oho nia-kaben Rosantina dos Santos, iha rezidénsia Beto Barat, aldeia Anin Fuik, suku Madohi, postu administrativu Dom Aleixo, munisípiu Dili, tersa 06 jullu tuku 23:30 otl.

Jornalista: Nelson de Sousa

Editór: Cipriano Colo

HAKEREK NO HATÁN

Please enter your comment!
Please enter your name here