Portavós PNTL, Superintendente Xefe Arnaldo de Araújo. Imajen Tatoli/Dok

DILI, 08 jullu 2021 (TATOLI)—Komandu Polísia Nasionál Timor-Leste (PNTL), fó ona orientasaun ba komandu munisípiu hotu-hotu atu buka suspeitu AS ne’ebé oho Primeira Sarjentu Rosantina dos Santos.

“Ita orienta ona komandu munisípiu hotu-hotu no haruka ona foto suspeitu ba sira atu buka-tuir, bainhira hakat-sai hosi área Dili,” Portavóz Komandu Jerál PNTL, Superintendente Xefe, Arnaldo de Araújo, hateten ba jornalista-sira, kinta ne’e.

Notísia relevante:Suspeitu kazu oho primeira sarjentu Rosantina nu’udar laen

Desde kuarta 07 jullu, liuhosi  ekipa Serbisu Investigasaun Kriminál Nasionál (SIKN), buka suspeitu maibé to’o agora seida’uk hetan.

Tanba ne’e, Polísia koordena ona ho parte família suspeitu atu kontinua buka-tuir, bainhira hetan sei submete ba prosesu investigasaun.

Suspeitu ho inisial AS nu’udár la’en ba matebian Rosantina dos Santos. Kazu ne’e akontese iha tersa 23:30, iha rezidénsia Beto Barat, aldeia Anin Fuik, suku Madohi, postu administrativu Dom Aleixo, munisípiu Dili.

Jornalista  : Nelson de Sousa

Editór        : Cipriano Colo

HAKEREK NO HATÁN

Please enter your comment!
Please enter your name here