Hospitál Nasionál Guido Valadares (HNGV). Imajen Tatoli/Egas Cristóvão.

DILI, 07 jullu 2021 (TATOLI)—Diretór Klínika, Ospitál Nasionál Guido Valadres (HNGV sígla portugés), Flávio Brandão, husu no enkoraza ema hotu-hotu ne’ebé sofre kualkér moras atu labele tauk mai konsulta iha ospitál ne’e, tanba médiku-sira prontu durante oras 24 atu fó atendimentu.

“Labele tauk atu mai konsulta iha ne’e tanba ami iha ne’e prontu atu serbí nafatin ita boot-sira,” Flávio Brandão, hateten ba jornalista-sira iha HNGV, kuarta ne’e.

Notísia relevante:HNGV atende de’it pasiente ne’ebé livre hosi COVID-19

Flávio Brandão husu ne’e tanba durante periúdu surtu COVID-19, populasaun barak tauk atu ba konsulta iha HNGV.

“Fulan ida-ne’e númeru pasiente aumenta fila-fali no funsionamentu la’o fila-fali iha konsulta esterna, nune’e mós iha sala emerjénsia,” nia hateten.

Nia mós informa, HNGV reativa serbisu intervensaun hanesan sala operasaun atu bele rekoopera pasiente ne’ebé seidauk halo operasaun iha tempu COVID-19.

Oras ne’e daudaun profisionál saúde ne’ebé serbisu iha HNGV kompostu hosi médiku espesialista 35, médiku jerál 77, enfermeiru 334, asistente enfermeiru 21, parteira 62, tékniku aliadu-sira 137, médiku Kubanu 49, médiku Xineza 16 no serbisu administrasaun 128.

Jornalista  :  Felicidade Ximenes

Editór         : Cipriano Colo

HAKEREK NO HATÁN

Please enter your comment!
Please enter your name here