Vice-Ministru Administrasaun Estatál, Lino de Jesus Torrezão. Imajen Tatoli/Antónia Maia Gusmão.

DILI, 06 jullu 2021 (TATOLI)—Vise Ministru Administrasaun Estatál (MAE), Lino de Jesus Torrezão, hateten to’o agora kandidadtu Prezidente Autoridade Munisípiu Dili no Administradór Manufahi mak Governu seidauk fó pose tanba Konsellu Ministru pendente no lista naran PAM Dili nian MAE seidauk submete ba Konsellu Ministru.

Notísia Relevante: Jullu, MAE sei submete relatóriu rekrutamentu kandidatu PAM Dili ba KM

“Kandidatu ba Prezidente Autoridade Munisípiu Dili (PAM) no Administradór Munisípiu (AM) Manufahi ne’ebé tuir teste pur méritu ne’e, to’o agora ita seidauk fó pose tanba kandidatu Manufahi nian sei pendente hela no lista naran PAM Dili nian seidauk submete ba Konsellu Ministru,” Lino de Jesus Torrezão hateten ba Agência TATOLI, liuhusi telefónika, tersa ne’e.

Lista naran Kandidatu PAM Dili MAE seidauk submete ba Konsellu Ministru tanba iha 08 jullu mak grupu tékniku permanente halo enkontru, hafoin grupu tékniku interministerál haree tiha mak MAE submete ba Konsellu Ministru.

“Ha’u bele dehan, iha fulan-jullu nia-laran ne’e, ita bele konklui ona prosesu hirak ne’e, nune’e tempu badak ita hakat ba pose,” nia dehan.

Entretantu Kandidatu Prezidente Autoridade Munisípiu (PAM) no Administradór munisípiu 10 ne’ebé simu ona pose hosi Governu mak hanesan Munisípiu Aileu, Ainaro, Bobonaro, Baucau, Covalima, Ermera Liquiça, Lautém, Manatuto no Munisípiu Viqueque.

Jornalista : Osória Marques

Editór       : Cancio Ximenes

HAKEREK NO HATÁN

Please enter your comment!
Please enter your name here