Ministru Administrasaun Estatál, Miguel Pereira de Carvalho. Imajen TATOLI/Egas Cristovão

DILI, 29 juñu 2021 (TATOLI)—Ministru Administrasaun Estatál (MAE), Miguel Perreira de Carvalho, hateten iha fulan-jullu ne’e MAE sei submete relatóriu prosesu rekrutamentu kandidatu PAM Dili nian ba Konsellu Ministru.

Notísia Relevante: MAE sei aprezenta PAM Dili na’in-haat nia naran ba KM

“Fulan jullu nia-laran, ita sei haruka relatóriu prosesu rekrutamentu kandidatu PAM Dili nian ba Konsellu Ministru atu halo diskusaun no delibera sé mak sai Prezidente Autoridade Munisipál Dili nian,” Miguel Perreira de Carvalho hatete ba Agéncia TATOLI, iha Ministériu Finansa, Aitarak-laran, Dili, tersa ne’e.

Kandidatu PAM Dili nian hamutuk na’in haat mak hanesan Guilhermina Filomena Saldanha ho valór 68, Abílio Mesquita “Mausoko”, Fernando Moniz Calau no Ivete Oliveira ho valór ne’ebé hanesan 66.

Nia informa, prosesu apresizasaun hosi konsellu konsultivu munisipál konklui ona agora painel sira mak tenke haruka prosesu tomak hanesan prosesu rekrutamentu, kandidatu aprovadu no reprovadu ba MAE, tanba bazea ba relatóriu ne’e mak MAE sei propoin no sei haruka prosesu tomak ba Konsellu Ministru, nune’e halo análize.

Tanba, nia dehan, sei aprova realizasaun rekrutamentu ne’e hosi Konsellu Ministru no prosesu sira-ne’e sei regula ho akordu tuir lei ne’ebé iha.

Prosesu ne’e hotu Konsellu Ministru mak delibera kandidatu ida-ne’ebé mak sei liu ka pasa no sai hanesan Prezidente Autoridade Munisipál Dili nian.

Jornalista : Osória Marques

Editór       : Cancio Ximenes

 

HAKEREK NO HATÁN

Please enter your comment!
Please enter your name here