Ministru Edukasaun Juventude no Desportu, Armindo Maia. Imajen/Antonio Goncalves

DILI, 05 jullu 2021 (TATOLI) – Ministériu Edukasaun, Juventude no Desportu (MEJD) sei re-ativa ensinu aprendizajen prejensiál ba ensinu bázika to’o ensinu sekundáriu bainhira profesór-sira atinje ona 80% kontra COVID-19.

Notísia Relevante : 80% komunidade edukativu simu vasina bele re-ativa eskola

Ministru Edukasaun, Juventude no Desportu (MEJD), Armindo Maia, hateten nia parte hein hela relatóriu final kona-bá prosesu vasinasaun bá profesór-sira  no funsionáriu administrasaun iha kada eskola sira.

Nia afirma katak kuandu númeru vasinasaun mak atinje ona persentajen  ne’ebé termina, Ministériu sei foti desizaun bele re-ativa ona eskola ne’ebé preparadu intermus iha aspetu vasinasaun, preparasaun kondisaun eskola no instalasaun fasilidade prevensaun COVID-19 iha kada eskola.

“Prosesu atu re-ativa eskola sei iha hela faze preparasaun. Ita sei bazeia hela bá persentajen hosi profesór-sira ne’ebé tuir vasina. Ita antesipa hela entre data 20 to’o 25jullu,” Ministru Armindo Maia, hateten ba Tatoli iha Palásiu Governu, foin lalais ne’e.

Hosi sorin seluk, Diretór Servisu Edukasaun Munisípiu Dili, Duarte Bragansa, informa katak kada loron nia sempre update dadus vasinasaun bá profesór sira nian ne’ebé estimasaun persentajen vasinasaun bele dehan besik ona 30%.

“Ha’u kontinua update dadus vasinasaun. Ita bele dehan númeru persentajen tuir estimasaun besik ona 30%. Ita espera loron bá loron dadus vasinasaun aumenta ita bele atinje persentajen ne’ebé iha,” Duarte  Bragansa hateten.

Jornalista : Tomé Amado

Editór        : Francisco Simões

HAKEREK NO HATÁN

Please enter your comment!
Please enter your name here