Ministru Ensinu Superiór, Siénsia no Kultura, Longuinhos dos Santos. Imajen Tatoli/Egas Cristovão

DILI, 23 juñu 2021 (TATOLI) – Ministru Ensinu Superiór, Siénsia no Kultura (MESSK), Longuinhos dos Santos, garante katak bainhira komunidade edukativu iha Instituisaun Ensinu Superiór Públiku no Privadu-sira simu hotu ona vasina to’o 80%, maka atividade ensinu aprendizajen aula prejensiál bele re-ativa ona.

Notísia Relevante : IBTL aprezenta proposta ba MS no IPDC re-ativa aula prejensiál iha jullu

Nia husu ba Instituisaun Ensinu Superiór Públiku no Privadu-sira tenke kumpre desizaun Konsellu Ministru atu labele re-ativa uluk prosesu ensinu aprendizajen prejensiál bainhira Governu seidauk fó orientasaun.

Ministru Longuinhos dos Santos hateten nu’udar povu no sidadaun di’ak iha rai ida-ne’e tenke  kumpre desizaun saida de’it, regra hodi suspende atividade letiva ensinu prejensiál ne’e desizaun Konsellu Ministru nian, nune’e atu re-ativa filafali atividade eskola mós presiza hein desizaun hosi KM.

Jornalista : Tomé Amado

Editór        : Francisco Simões

HAKEREK NO HATÁN

Please enter your comment!
Please enter your name here