Plaka CNE. Imajen TATOLI/Francisco Sony

DILI, 03 jullu 2021 (TATOLI)—Xefe Estadu, Francisco Guterres Lú Olo, liuhosi Dekretu Prezidente Repúblika númeru 41/2021, 1 jullu, nomeia Olávio da Costa Monteiro de Almeida nu’udár membru efetivu no Detaviana Madalena Guterres Freitas, nu’udár membru suplente ba Komisaun Nasionál Eleisaun (CNE sígla portugés).

Komunikadu hosi Prezidénsia Repúblika, hateten knaar CNE mak superviziona aktus eleitorál-sira  ba órgaun soberania ho baze eletiva, orgaun-sira reprezentativu podér lokál, orgaun suku-sira no refendu.

Notísia relevante:Antonino Gonçalves eleitu hodi reprezenta juiz iha CNE

“CNE kompostu hosi membru-sira dezignadu hosi órgaun soberania, hosi Ministériu Públiku (MP), Defensoria Públika, konfisaun relijioza-sira no organizasaun reprezentativa hosi feto,” Komunikadu ne’e haktuir.

Tuir alínea a) hosi númeru 1 no númeru 2 hosi artigu 5 hosi Lei númeru 5/2006, 28 dezembru iha redasaun hosi Lei númeru 7/2016, 8 juñu, Prezidente Repúblika nomeia membru na’in-ida ba CNE no suplente na’in-ida.

Membru CNE nomeadu ba mandatu tinan-lima, renovável ba dala ida de’it, mantein nia funsaun to’o pose membru foun.

Mandatu ba atuál Prezidente no membru CNE sei termina iha 16 agostu 2021, tanba ne’e nesesáriu ba Prezidente Repúbliki atu nomeia membru dezignadu ba órgaun ida-ne’e.

Jornalista: Osória Marques

Editór: Cipriano Colo

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here