Prezidente Autoridade RAEOA, Arsénio Paixão Bano, simu vasina AstraZeneca doze daruak. Imajen Tatoli/Abilio Elo Nini.

OÉ-CUSSE, 02 Jullu 2021 (TATOLI)—Sekretáriu Rejionál Asuntu Saúde Rejiaun Administrativa Espesiál Oé-Cusse Ambeno (RAEOA), Manuel da Costa, informa populasaun RAEOA ne’ebé partisipa no simu ona vasina AstraZeneca doze dahuluk hamutuk 6.091.

Sekretáriu Rejionál Asuntu Saúde Rejiaun Administrativa Espesiál Oé-Cusse Ambeno (RAEOA), Manuel da Costa. Imajen Tatoli/Abilio Elo Nini.

“Ita-nia populasaun sira-ne’ebé simu ona vasina AstraZeneca doze dahuluk nian ne’e hamutuk 6.091, kompostu hosi mane na’in-3.150 no feto na’in-2.941,” Manuel da Costa informa ba Agência Tatoli iha nia servisu fatin, sub-rejiaun Pante Makasar, Oé-Cusse, sesta ne’e.

Nia dehan, Guvernu sentrál distribui ona vasina AstraZeneca mai Oé-Cusse vial (frasku) 6.560 ne’e, hahú  22 juñu to’o agora, fó ona vasina ba komorbilidade nomós ba idade 60 ba leten atinje ona 115,7%.

“Ita-nia númeru totál en-jerál iha Oé-Cusse hamutuk 7.590, ho nia deskrisaun ba liña frente sira-ne’ebé simu vasina doze daruak nian ne’e mane 1.034 no feto 465 ho totál hamutuk 1.499. Ba doze dahuluk nian, mane 3.150 no feto 2. 941 ho totál hamutuk 6.091,” nia dehan.

Autoridade RAEOA, kinta (01/0) ne’e, simu tan vasina AstraZeneca vial 475 no Sinovac vial 200 hosi Governu sentrál atu fó vasina AstraZeneca ba populasaun na’in 5.700 iha Oé-Cusse no vasina Sinovac ne’e sei konsulta fali ba nasionál molok halo vasinasaun.

Notísia Relevante: RAEOA simu tan AstraZeneca vial 475-Sinovac vial 200

Jornalista : Abilio Elo Nini

 

Editór       : Cancio Ximenes

HAKEREK NO HATÁN

Please enter your comment!
Please enter your name here