Barajen Mota Tono. Imajen Tatoli/Abilio Elo Nini.

OÉ-CUSSE, 02 Jullu 2021 (TATOLI)—Sekretáriu Rejionál Asuntu Agríkultura, Jose Eta, hateten barajen (bendungan) mota Tono benefísia ona natar ektare 1.717 iha suku haat (4) hanesan suku Cunha, Lalisuk, Costa no Lifau ne’ebé partensia ba sub-rejiaun Pante Makasar.

Notísia Relevante: Agrikultór natar suku Cunha hahú halai natar faze daruák

“Funsionamentu barajen Tono iha tinan hirak kotuk ne’e kotu halo bee menus, entaun kada tinan natar sira halai dala ida no balu la konsege tanba bee laiha, liu-liu iha área Petun kuaze ektare 42, ita harre tinan rua tutuir malu lakonsege halai natar. Maibé tinan ida-ne’e, sira halai natar faze daruak no kuda hare dala rua. Ita observa iha Tono, bee ne’e sufisiente to’o novembru atu kobre natar sira-ne’e,” Jose Eta informa ba Agência Tatoli iha nia servisu fatin Pante Makasar, Oé-Cusse, sesta ne’e.

Maske nun’e, nia dehan, bainhira akontese siklone tropikál seroja iha 04 abríl ne’e, bee-mota estraga tiha kanál Tono II iha mota sorin kuaze metru 30 ne’e kotu, entaun iha nivél autoridade halo ona diskusaun atu buka konsultan ida atu mai halo levantamentu tékniku, nune’e aprezenta ba autoridade hodi hadia fali.

“Kobertura barajen Tono ne’e fó ba área Natar ektare 1.717 benefísio ba suku haat (4). Epesifiku ba ida-ne’ebé mak estraga iha mota sorin mota Tono II, nia fó benefísiu ba área Natar ektare 943 ne’ebé mak prioridade tebes,” nia haktuir.

Entretantu Barajen Mota Tona konstrui iha iha bairru Tono, aldeia Noe-Ninen, suku Cunha, sub-rejiaun Pante Makasar.

Notísia Relevante: PR Lú-Olo Husu Oe-Cusse Oan Tau Matan Ba Irigasaun Tono

Jornalista : Abilio Elo Nini

Editór       : Cancio Ximenes

HAKEREK NO HATÁN

Please enter your comment!
Please enter your name here