Vise-Ministru, António Armindo, hala’o enkontru ho Xefe Organizasaun Internasionál ba Migrasaun (IOM sígla inglés) foun iha Timor-Leste (TL), Ihma Shareef. Imajen MI.

DILI, 01 jullu 2021 (TATOLI)–Ministériu Interiór (MI) liu hosi Vise-Ministru, Antonio Armindo, hala’o enkontru ho Xefe Organizasaun Internasionál ba Migrasaun (IOM sígla inglés) foun iha Timor-Leste (TL), Ihma Shareef, hodi ko’alia kona-bá oinsa haforsa Serbisu Migrasaun liuhosi sistema informasaun atu garante jestaun fronteira ne’ebé di’ak iha postu migrasaun-sira.

“MI parseria ho Ministériu Negósiu Estranjeiru Austrália, agora-daudaun serbisu hamutuk atu suporta Governu TL liuhosi apoia sistema jestaun fronteira ho naran Migration Information and Data Analysis System (MIDAS),” Ihma Shareef, hateten liuhosi komunikadu ne’ebé Agência Tatoli asesu, kinta ne’e.

Notísia relevante:Vise-MI no SEPS atualiza progresu serbisu ba PM Taur

Objetivu hosi sistema foun ne’e atu haforsa seguransa fronteira, suporta Governu halo monitorizasaun ba área analiza dadus no kontrola krime organizadu-sira.

Antes ne’e, Vise MI António Armindo hamutuk ho Xefi Migrasaun sesante no tékniku-sira halo ona aprezentasaun ba Primeiru Mimistru (PM) hanesan mós Ministru Interiór no hetan ona apresiasaun ba inisiativa hosi Governu Austrália no IOM.

António Armindo konsidera inisiativa hosi IOM hodi hamosu sistema MIDAS ne’ebé bele ajuda hodi rezolve lacuna-sira ne’ebé membru Servisu Migrasaun-sira hasoru iha liña fronteira.

Jornalista: Nelson de Sousa

Editór: Cipriano Colo

HAKEREK NO HATÁN

Please enter your comment!
Please enter your name here