Vise Ministru Interiór, António Armindo. Imajen Tatoli/Egas Cristovão

DILI, 25 setembru 2020 (TOTOLI)-Primeiru-Ministru no Ministru Interiór, Taur Matan Ruak, konvoka enkontru ho Vise-Ministru Interiór (Vise-MI), António Armindo no Sekretáriu Estadu ba Protesaun Sivíl (SEPS), Joaquim José Gusmão dos Reis Martins, hodi relata progresu serbisu serbisu.

Vise-Ministru António Armindo informa katak enkotru ho ne’e nu’udar enkontru semanál ne’ebé maka sempre halo hodi atualiza informasaun ba malu.

“Ami mai atualiza serbisu ne’ebé halo daudaun ne’e inklui mós orsamentu Ministériu Interiór ne’ebé aprezenta ona iha komisaun B (defeza no negósiu estranjeiru), nune’e Primeiru-Ministru bele hatene lala’ok ne’ebé mak durante ne’e la’o iha Ministériu Interiór,” dehan governante ne’e, iha Palásiu Governu, sesta ne’e.

Iha enkontru ne’e, Xefe Governu husu membru Governu rua ne’e atu kontinua hatudu melloramentu serbisu.

“Ami hetan orientasaun atu tuir dalan legál, atu nune’e labele iha problema,” nia akresenta.

Entretantu, alokasaun orsamentu ba Ministériu Interiór (MI) ba tinan 2020 hamutuk $13.759.432, kompostu hosi seguransa patrimóniu Estadu $2.597.710, servisu migrasaun $808.016, programa prevensaun konflitu $120.097, protesaun sivíl no servisu bombeiru $7.150, boa governsaun no jestaun institusionál $845.682, jestaun risku no dezastre $3.708.919, no saláriu no vensimentu $5.671.858

 Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here